Bram Tankink

Bram Tankink (Hoksebarge, 3 december 1978) is nen Neerlaandsen wielrenner oet Tweante. Ze neumt um in t Engels mangs ook wal The Tank of The beast from the East (t Beest oet t Oostn).

Tankink begun zinn loopbaan ooit as veeldrieder, mer gung in 1999 oawer op stroatriedn. t Joar doarop wör he Neerlaands Kampioen bie de espoirs, woerduur at he an enömn wör as prof bie de ploog Domo-Farm Frites. Vuur disse ploog jaagn he twee joar, töt at hee, en nog n poar mear, oawergungn noar de Quick Stepploog. Ook hier dee Tankink völle as knech riedn. Hierduur völ he zelf nit völle in de priezn, mer zinne ploog har um gearne met noar de Roonde van Fraankriek van 2005. Hier köm he met gode bene oet, en hulp doarmet Filippo Pozzato in de HEW Cyclassics in Hambörg an nen pries. In de Roonde van Duutslaand wun he doarop nog n eersten ofstaand en wör leaider van de algemene klasseringslieste. Doarnöast wun Tankink ook nog verskeaidene noa-Roondekriteriums.

Tankink dut ook of en an nöalstuks skriewn vuur n Tubantia, dee't vuural um de Roonde van Fraankriek good beleazn wordt. Doarbie hef he nog n nöalstukn met as naam Bijtanken in t blad Wieler Revue.

Seend augustus 2007 dreeit Tankink met in de ploog van de Rabobaanke.

2000

• Neerlands kampioen wielrennen op de weg, Beloften

2005

• 1e etappe Roonde van Duutslaand
• Profroonde van Maastricht
• Profroonde van Almelo

2006

• Miele van Mares

2007

• GP Jef Scherens
• Profroonde van Maastricht

Eindklasseringen in grote rondes, met tussen haakjes het aantal etappeoverwinningen

• 2001 - Domo-Farm Frites
• 2002 - Domo-Farm Frites
• 2003 - Quick·Step-Davitamon
• 2004 - Quick·Step-Davitamon
• 2005 - Quick·Step-Innergetic
• 2006 - Quick·Step-Innergetic
• 2007 - Quick·Step-Innergetic
• 2008 - Rabobaanke
• 2009 - Rabobaanke

• Offisjele webstea
• Beskriewing van Bram Tankink op Rabosport.nl