Appeln

Wapen/Flagg	Koort
Basisdaten
Bundsland: Neddersassen Landkreis: Cuxhoben Gemeen: Beverst
Flach:	14,52 km²
Inwahnerdicht:	29,5 Inwahners pro km²
Hööchd:	14 m över NN
Postleettall:	27616
Vörwahl:	04747
Geograafsche Laag:	Koordinaten:53° 27′ N, 8° 54′ O53° 27′ N, 8° 54′ O

Appeln is en Dörp in de Gemeen Beverst in’n Landkreis Cuxhoben, Neddersassen. Dat billt binnen de Gemeen en egen polietsche Oortschop.

Bi Appeln höört ok de lüttjeren Oortsdelen Abelhorst, Mals un Havekesch.

Dat Water ut Appeln flütt na Noorden hen över den Frellsdorper Möhlenbeek af, na Oosten un Süden hen över de Luun un na Westen hen över den Dohrener Beek.

De Naveröörd sünd Abelhorst un Frellsdorp in’n Noorden, Hipst, Mals un Havekesch in’n Noordoosten, Basdaal in’n Oosten, Volkmarst un Horst in’n Süüdoosten, Karkwist in’n Süden, Beverst un Oosterndörp in’n Süüdwesten un Wolljes in’n Noordwesten.

In de Oorkunnen kummt Appeln toeerst 1035 as Appellenn vör.

Appeln is an’n 1. April 1971 Deel von de Samtgemeen Beverst un an’n 1. November 2011 denn Deel von de Eenheitsgemeen Beverst worrn. Sietdem billt dat binnen de Gemeen en Oortschop mit egen Oortsvörsteiher.

Appeln is evangeelsch-luthersch präägt un höört to dat Kaspel von de Fabian-un-Sebastian-Kark in Beverst.

• 1900-1924: Nikolaus Tietjen
• -2011: Wilfried Geils (SPD)

Oortsvörsteihers:

• 2011-2016: Wilfried Geils (SPD)
• 1. November 2016–: Herbert Lührs (CDU)

Dat Wapen von Appeln is schraag deelt un wierst baven links op sülvern Grund en grönen Appel un ünnen rechts op roden Grund en gollen Ahr.

De Filiaal von de Volksbank Bremerhoben-Cuxland in Appeln hett 2015 dichtmaakt.

Appeln liggt an de Kreisstraat 41, de in’n Noorden na Frellsdorp geiht un in’n Süüdwesten na Beverst löppt. Lüttjere Straten gifft dat ans noch na Karkwist, Volkmarst, Hipst un Wolljes.

Appeln hett en Speelkreis.

De Buur un Politiker Nikolaus Tietjen is in Appeln boren un weer lange Johren Börgermeester.

1. ↑ C. H. Jansen: Statistisches Handbuch des Königreichs Hannover. 1824, Sied 22: http://books.google.de/books?id=tG0AAAAAcAAJ&pg=PA22
2. ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 148: http://books.google.de/books?id=eOI-AAAAcAAJ&pg=PA148
3. ↑ http://www.gemeindeverzeichnis.de/gem1900/gem1900.htm?hannover/geestemuende.htm
4. ↑ ^{a b c} http://www.verwaltungsgeschichte.de/wesermuende.html

Öörd in de Gemeen Beverst

Appeln | Beverst | Bokel | Frellsdorp | Heerst | Hollen | Karkwist | Luunst | Stubben | Wellen | Wolljes