Dennis Hopper
Dennis Lee Hopper (* 17. Mai 1936 in Dodge City, Kansas; † 29. Mai 2010 in Venice, Kalifornien) weer en US-amerikaansch Schauspeler un Speelbaas.
Leven
Dennis Hopper is up en Farm upwussen, bevör he mit sien Öllern nah San Diego trucken is. Dor hett hüm de Schauspelerin Dorothy McGuire Midden vun de 1950er Johren ermuntert, nah Hollywood to gahn un sien Glück in’t Filmgeschäft to söken.
Nah eenig Uptreden in’t Feernsehen wurr he vun Warner Brothers ünner Verdrag nommen. Twee vun sien eerste Filmrullen harr he in de James-Dean-Klassikern Rebel Without a Cause un Giant. Dean weer ok privat mit Hopper good Früend; beid harrn en Faible för flink Autos un Motorraden. Hopper kreeg aber meest kien Hööftrullen, wiel he en Stuurkopp weer un sück ok nichts seggen leet. He hett de Lee-Strasberg-School The Actors Studio besöcht un weer bi en poor Western in Nebenrullen to sehn. Över den B-Movie-Speelbaas Roger Corman lern he Peter Fonda kennen un hett sück mit hüm anfrüend.
1969 hebbt de beid för blots 400.000 Dollar dat Roadmovie Easy Rider dreiht. De Film wurr to’n Kulthit vun Hippie-Bewegung un nahderhenn ok to en Legende. De Grund weer, dat sück de Film nich mit anner Filme verglieken leet. Dorto hör ok dat Leed Born to Be Wild. De Film weer de Trendsetter för dat New Hollywood un Dennis Hopper, Peter Fonda un Jack Nicholson weern de dree eerst Helden.
Hopper gull aber ok wiederhenn as Exzentriker un sien nächst Regiearbeit The Last Movie kreeg dörweg slecht Kritiken. In de 1970er un 1980er Johren hett he mit sien Films Films nichts verdeent, wat he sück aber ok sülvst totoschrieven harr, wiel he överall anecken de. Dat stör hüm aber nich besünners. He denn völ in Europa dreiht, fung aber an to Suupen un Drogen to nemmen. Binnerhalv vun söben Johren hett he dreemal heiraadt.
Sien bekanntst nee’e Film is Speed, in de he den psychopathischen Verbreker Howard Payne speelt, de en Bus in de Luft jagen will. Aber dat is blots een vun meest 50 Projekten, an de Hopper in de 1990er Johren mitwarkt hett. Insgesamt hett he bither över 140 Filme dreiht. Twee vun sien gröttsten Leedenschapen sünd neben de Schauspeleree de Fotografie un de Maleree. Sien Warken wurrd weltwiet utstellt. Dennis Hoppers Ehe mit Victoria Duffy (siet 1995) is all sien fievte. Vun Michelle Phillips leet he sück all nah en Week weer scheeden. He hett veer Kinner vun veer verscheeden Fruen.
An 30. Oktober 2009 wurr bekannt, dat he unheelbor an Prostatakrebs lieden deit. An’ 14. Januar 2010 hett Hopper nah 14 Johren Eh de Scheedung vun Victoria Duffy inreicht, vun wegen dat jemehr Differenzen afsluut nich bitokamen is.
Utteknungen (Utwahl)
- In sien bitherig Karriere weer Hopper 1970 un 1987 för den Oscar nomineert, eerst in de Kategorie Best Originaldreihbook, denn as Best Nevendorsteller för sien Rull in Hoosiers.
- 1995 kreeg he för sien Rull vun den Bösewicht in Speed een MTV Movie Award. In dat glieker Johr wurr he mit de Golden Himbeer för sein Dorstellung in Waterworld uttekent.
- An’ 26. März 2010 wurr Hopper mit en Steern up den Walk of Fame in de Kategorie "Film" (6712 Hollywood Boulevard) ehrt.[1]
Filmografie (Utwahl)
Johr | Titel | Synchroonsnacker |
---|---|---|
1954 | Johnny Guitar dt.: Johnny Guitar – Wenn Frauen hassen |
|
1955 | Rebel Without a Cause dt.: … denn sie wissen nicht, was sie tun |
Eckart Dux |
1956 | Giant dt.: Giganten |
Niels Clausnitzer |
1957 | Gunfight at the O.K. Corral dt.: Zwei rechnen ab |
|
1957 | Sayonara | Erich Ebert |
1958 | From Hell to Texas dt.: Schieß zurück, Cowboy |
Gerd Martienzen |
1960 | Key Witness dt.: Die Wölfe von Los Angeles |
Gert Günther Hoffmann |
1965 | The Sons of Katie Elder dt.: Die vier Söhne der Katie Elder |
Thomas Danneberg |
1967 | The Trip dt.: Der Trip |
Jürgen Thormann |
1968 | Hang ’Em High dt.: Hängt ihn höher |
Peter Schiff |
1969 | Easy Rider | Thomas Braut |
1969 | True Grit dt.: Der Marshall |
Fred Maire |
1971 | The Last Movie | Christian Brückner |
1976 | Mad Dog Morgan dt.: Mad Dog – Der Rebell |
Joachim Kerzel |
1977 | Der amerikanische Freund | Arthur Brauss |
1979 | Apocalypse Now | Michael Chevalier |
1983 | Rumble Fish | Hans Nitschke |
1986 | Blue Velvet | Joachim Kerzel |
1986 | River’s Edge dt.: Das Messer am Ufer |
Fred Maire |
1987 | Black Widow dt.: Die schwarze Witwe |
Joachim Kerzel |
1989 | Blood Red dt.: Blood Red – Stirb für dein Land |
Joachim Kerzel |
1990 | Flashback | Hans Sievers |
1991 | The Indian Runner | Joachim Kerzel |
1993 | Boiling Point dt.: Boiling Point – Die Bombe tickt |
Bodo Wolf |
1993 | Super Mario Bros. | Rolf Schult |
1994 | Speed | Joachim Kerzel |
1994 | Chasers dt.: Chasers – Zu sexy für den Knast |
Joachim Kerzel |
1995 | Waterworld | Christian Brückner |
1996 | Basquiat | Joachim Kerzel |
1998 | Tycus dt.: Tycus – Tod aus dem All |
Joachim Kerzel |
1999 | EDtv | Joachim Kerzel |
2000 | Prophet’s Game dt.: Prophet’s Game – Im Netz des Todes |
Fred Maire |
2001 | Knockaround Guys | Joachim Kerzel |
2002 | The Piano Player | Joachim Kerzel |
2004 | The Keeper dt.: The Keeper – Life Has Rules |
Joachim Kerzel |
2004 | Out of Season | Joachim Kerzel |
2005 | Land of the Dead | Joachim Kerzel |
2005-06 | E-Ring, Feernsehreeg | Kaspar Eichel |
2006 | Memory dt.: Memory – Wenn Gedanken töten |
Joachim Kerzel |
2008 | Hell Ride | Kaspar Eichel |
2008 | Palermo Shooting | Joachim Kerzel |
2008 | Big Fat Important Movie | Joachim Kerzel |
2008-09 | L.A. Crash, Fernsehreeg | Joachim Kerzel |
Enkeld Nahwiesen
Weblinks
- Dennis Hopper in de Internet Movie Database (engelsch)
- Litaratur vun iun över Dennis Hopper in de Katalog vun de Deutsche Nationalbibliothek
- Dennis Hopper Biografie bi WHO’S WHO
- fiefdeelig Interview mit Dennis Hopper vun arte.tv van Enn' 2008
- Dennis Hopper: Photographs 1961-1967
- Biller vun Dennis Hopper in Virtual History