Laurie Johnson

Lawrence "Laurie" Reginald Ward Johnson (* 7. Februar 1927 in Hampstead; † 16. Januar 2024) weer en britschen Komponist, de Filmmusik för en grote Tall vun Filmen un Feernsehserien maakt hett.

Leven un Wark

Laurie Johnson is vör allen bekannt worrn, dör sien Filmmusik, de he för de Feernsehserien The Avengers in de 1960er un de Nafolger dorvun ut de 1970er The New Avengers (op dt. beid as Mit Schirm, Charme und Melone), as ok de The Professionals (dt.: Die Profis), de in de 1970er un 1980er in’t Feernsehen to sehn weern. Sünners för de Avengers hett he en grote Tall ünnerscheedlich, an de enkelten Folgen anpasste Themen komponeert. Eenige Leedtitels sünd: Travelling Free (1965), This Is Your Life (1969), The Beauty Jungle (?), The Shark (Avengerstheme) (1965). Aver sien Gesamtwark belöpt sik op Titel un Themen to mehr as Hunnert Filmen un Serien.

Kenntekend för Johnsons Musik weer de Verbinnen vun Orchestermusik, un sünners Striekinstrumenten, mit de in de enkelten Tieten modernen Instrumenten, as t. B. de Wah-Wah-Gitarr, de in de 1970er sünners populäär weer.

Neven sien Hööftarbeit as Filmkomponist, hett Laurie Johnson ok af un to mol as Dirigent oder as musikalschen Direkter bi’n Filmdreih arbeidt. In de 1990er Johren weer he ok as Produzent ünnerwegens.

Laurie Johnson leevt in Stanmore, Middlesex in England.

Filme un Feernsehserien (Utwahl)

Johr Originaltitel dt. Titel
1959 Tiger Bay Tiger-Bay
1960 Wernher von Braun Wernher von Braun: Ich greife nach den Sternen
1963 Siege of the Saxons Das Schwert des Königs
1964 Dr. Strangelove or: How I Learned to Stop Worrying and Love the Bomb Dr. Seltsam oder: Wie ich lernte, die Bombe zu lieben
1964 First Men In the Moon Die erste Fahrt zum Mond
1965-69 The Avengers Mit Schirm, Charme und Melone
1968 Hot Millions Das Millionending
1971 The Firechasers Jagd durchs Feuer
1973 The Belstone Fox Der Fuchs von Belstone
1975 Hedda Hedda
1975 Diagnosis: Murder Der See der verstümmelten Leichen
1976-77 The New Avengers Mit Schirm, Charme und Melone
1977-83 The Professionals Die Profis
1987 It’s Alive III: Island of the Alive Die Wiege des Schreckens

Websteden