Oliver Smithies

George W. Bush draapt eenig Nobelpriesdräger van 2007. Oliver Smithies is de tweet vun links.

Oliver Smithies (* 23. Juli 1925 in Halifax, West Yorkshire, England; † 10. Januar 2017) weer en britisch Genetiker un Dräger vun den Nobelpries för Physiologie oder Medizin in dat Johr 2007. Smithies harr ok de US-amerikaansch Staatsbörgerschap. He wurr tosommen mit Martin John Evans un Mario Renato Capecchi för dat Forschen an de Knockout-Muus uttekent.

Anfang vun de 1950er-Johren harr he all entscheedend an de Entwicklung vun de Gelelektrophorese mitwarkt.

Akadeemsch Werdegang

Oliver Smithies 2010 in Lindau

1951 kreeg Oliver Smithies den Dokter-Grad (Ph.D.) in dat Fack Biochemie an de University of Oxford. Van1953 bit 1960 hett he an dat Connaught Medical Research Laboratory, University of Toronto, Kanada, arbeit. 1960 bit 1988 weer he Assistant, Associate un Leon J. Cole and Hilldale Perfesser of Genetics and Medical Genetics an de University of Wisconsin-Madison. Siet 1988 is Smithies Excellence Professor of Pathology and Laboratory Medicine an de University of North Carolina at Chapel Hill.

Privates

Smithies hett en Tweeschen (Roger) un en Süster. Mit sien Fru Judith hett he een Dochter un twee Söhns. To sien Hobbies hörrn Musik und Flegen.

Utteknungen

  • 1971: Wahl in de US-amerikaansch National Academy of Sciences.
  • 1975: Präsident vun de Genetics Society of America.
  • 1978: Wahl in de American Academy of Arts and Sciences.
  • 1986: Wählt Liddmaat vun de American Association for the Advancement of Science.
  • 1990: Gairdner Foundation International Award
  • 1993: North Carolina Award
  • 1994: Alfred P. Sloan, Jr. Prize
  • 1998: American Association of Medical Colleges' Award for Distinguished Research an Smithies un Capecchi.
  • 1998: Elected Foreign Member of the Royal Society.
  • 2001: Albert Lasker Award for Basic Medical Research tosommen Martin John Evans un Mario Renato Capecchi
  • 2002: O. Max Gardner Award, hööchste Pries vun de University of North Carolina at Chapel Hill
  • 2002: Massry-Pries
  • 2003: Wählt in dat U.S. Institute of Medicine
  • 2003: Wolf Prize in Medizin tosommen mit Mario Renato Capecchi un Ralph Lawrence Brinster
  • 2005: March of Dimes Prize in Developmental Biology
  • 2007: Thomas Hunt Morgan Medal
  • 2007: Nobelpries för Physiologie oder Medizin

Weblenken

Oliver Smithies. Mehr Biller, Videos oder Audiodateien to’t Thema gifft dat bi Wikimedia Commons.