Puus
De Puus, Puns, Kutt oder in de Medizin ok Vulva is dat Geslechtsdeel vun de Fro oder de Sekens vun Deerten, de Deel de buten neern den Venusbult liggt. Wat binnen liggt is de Vagina. De Puus besteiht bi’n Minsch ut de groten un lütten Schaamlippen, de Jumfernhuut, de Utgang vun de Harnröhr un de Klitoris. Buten de groten Schaamlippen wasst vun de Pubertät af an dat Schaamhoor. Bi de groten Schaamlippen sitt ok de Bartholinschen Drüsen, de den Vörhoff mit de Sliemhüüt fuchtig hollt. Twischen Puus un Oorslock (Anus) liggt de Damm. Bi de Geboort vun en Kind kann de Vulva bannig dehnt warrn, dat de Kopp vun’t Kind dörpasst.
Literatur
- Georges Devereux: Baubo. Die mythische Vulva. Ut dat Franzöösche översett vun Eva Moldenhauer. Syndikat, Frankfort an’n Main 1985 ISBN 3-434-46063-2
- Mithu Sanyal: Vulva. Die Enthüllung des unsichtbaren Geschlechts. Wagenbach, Berlin 2009 ISBN 978-3-8031-3629-9
