Kluutvagels

Kluutvagels
Kluten
Systematik
Ünnerstamm: Warveldeerten (Vertebrata)
Klass: Vagels (Aves)
Ornen: Tüütvagels (Charadriiformes)
Familie: Kluutvagels (Recurvirostridae)
Wetenschoplich Naam
Recurvirostridae
Bonaparte, 1854

De Kluutvagels (Recurvirostridae) sünd en Familie mank de Tüütvagels.

Kennteken

Düsse Vagels hefft en Snavel (Rostrum), de is jummers lang. Bi de wecken Aarden maakt se en Bagen un wiest nich na unnen, man na boven (Recurvi-). Se hefft lange Fööt un an de eersten Töhn sitt to’n Deel Lappen an. De Achtertöhn fehlt oder is man minne. To düsse Familie höört 10 Aarden to.[1]

Wat se freten doot

Ehr Freten besteiht ut lüttje Kreefte. De fangt se, wenn se ehren Snavel en beten openstahn laat un dor dör dat Water hen un wedder mit gaht.

Wo se vorkaamt

Düsse Vagels leevt an Meere, in’n Sump un an modderige Waters un möögt an’n leevsten Solt- un Brackwater.

Taxonomie

  • Geslecht Cladorhynchus
    • Wittkoppkluut Cladorhynchus leucocephalus
  • Geslecht Steltkluten
    • Steltkluut Himantopus himantopus
    • Austraalsche Steltkluut Himantopus leucocephalus
    • Süüdamerikaanschen Steltkluut Himantopus melanurus
    • Mexikaanschen Steltkluut Himantopus mexicanus
    • Swatten Steltkluut Himantopus novaezelandiae
  • Geslecht Kluten
    • Amerikaanschen Kluut Recurvirostra americana
    • Andenkluut Recurvirostra andina
    • Kluut Recurvirostra avosetta
    • Austraalschen Kluut Recurvirostra novaehollandiae

Literatur

Josep del Hoyo et al.: Handbook of the Birds of the World (HBW), Band 3: Hoatzin to Auks. Lynx Edicions, Barcelona 1996

Belege

  1. ↑ Gill, F., Wright, M. & Donsker, D. (2010). IOC World Bird Names (version 2.6). (engelsch)

Weblenken

Kluutvagels. Mehr Biller, Videos oder Audiodateien to’t Thema gifft dat bi Wikimedia Commons.

Kiek ok bi

  • List vun Vagels, List mit plattdüütsche Vagelnaams to'n Lesen un Mitmaken.