एञ्जियोग्राफी
एञ्जियोग्राफी (अंग्रेजी: Angiography) हि धोंया धमनी व शिरातयेगु छ्गु प्रकारया एक्सरे थें न्यागु चिकित्सकीय अध्ययन ख गुकिया छ्यला नुगः ल्वे , जलासें संक्रमण, ट्यूमर व ब्लड क्लाट थाइगु आदिया जाँचया निंतिं याइ। एञ्जियोग्राफीइ रेदियोएक्तिभ तत्वया डाई छ्यलि व हिधों एक्स रे द्वारा स्वेगु जुइ। डिजिटल सबस्ट्रेक्शन एञ्जियोग्राफी नांया न्हुगु प्रविधिइ कम्प्युटरं धमनितयेगु पृष्ठभूमियात मखंका बि व किपा यच्चुसे च्वनि। थ्व प्रविधि हिधोंय अवरोध जुइगु अवस्थाय् छ्यली। थुकिलीं नुगःया धमनीइ हि मवंगु व चिप्वा जूगु खँ छकलं सीदै। एंजियोग्राफी धुंका ल्वचं काःगु धमनीतयेत एंजियोप्लास्टीद्वारा चायेकिगु जुइ।
थ्व उपचार धुंका ल्वमिया नुगलय् हि मथ्यंगु लाधीइ हिया बाहा थ्यनी व मनुयात आराम जुइ। नापं, हृदयाघातया सम्भावना नं म्हो जुइ। एंजियोग्राफी निगु ग्रीक खँग्वः ‘एंजियॉन’ वा वाहिका व ‘ग्रेफियन’ वा रिकॉर्ड यायेगु स्वाना दयावःगु खँग्वः ख। थ्व प्रविधि सन् १९२७स दकले न्हापां पोर्चुगिज फिजीशियन व न्यूरोलॉजिस्ट इगास मोनिज नं लुइकुगु ख। इगास मोनिजयात सन् १९४९स थ्व उल्लेखनीय ज्याया निंतिं नोबेल सिरपा नं सम्मानित याःगु जुल।
एंजियोग्राफीया प्रकार
एंजियोग्राफी यक्व प्रकारया जुइ। थुकिया छुं प्रकार थ्व कथं दु:
- सेरेब्रेल एंजियोग्राफीइ हिया क्लत व मस्तिष्क सम्बन्धी समस्यातयेगु बारेय् सीकिगु जुइ।
- एंजियोग्राफीया ग्वहालिं सोंय् हिया प्रवाहया आकलनयायेगु कुतः यायेछिं।
- फ्लोरोसीन एंजियोग्राफीया छ्यला मिखाया रेटिनानाप स्वापू दुगु समस्यातयेगु उपचार यायेत जुइ।
- थ्व नापं किडनी व कोरोनरी आदिया नं एंजियोग्राफी याइ।
- खम्पा नापं ल्हातं दाइ छ्वया नं एंजियोग्राफी यायेछिं।
एंजियोग्राफी यायेगु प्रक्रिया
लोकल एनेस्थीसिया बिया ल्वमिया खम्पां क्याथेटर व तार तया वया धमनीइ वःगु अवरोधतयेगु एंजियोग्राफी याइ। थुकिलीं अवरोध गन व गपाय्ह्रों धका सीदै। एंजियोग्राफी नापं दैगु मॉनीटरय् स्वस्वं अवरोधयात बलुन तया चायेकिगु जुइ। सामान्यतया एंजियोग्राफी खम्पानं याइगु जुइ। थुकियात फेमोरल एंजियोग्राफी धाइ। थुकिलि ल्वमियात 6 निसें 12 घौ तक्क थःगु तुति मसंकुसें क्याथ ल्याब य् च्वनेमा छाय्धाःसा थ्व प्रक्रियाय् हिया श्राव जुइगु सम्भावना सिक्क यक्व दु। छगू मेगु प्रकारया एंजियोग्राफी नं दै गुकियात रेडियल एंजियोग्राफी धाइ। थुकिलि धमनीया एंजियोग्राफी ल्हानापं याइ। थ्व प्रविधिइ हिश्राव म्हो जु व ल्वमि म्हो इतक्क जक्क ग्वतला च्वनेमा। थ्व एंजियोग्राफी धुंका ल्वमि याकनं छें वनिगु व थःगु तुतिइ न्यासे वनेफै। सामान्यत: थ्व छुं इतक्क छुं इतक्क मनये धुंका जक्क यायेगु जुइ। एक्सरे किरणया प्रभावय् मलाकेत प्वाथय् दुपिं मिसातयेत थ्व परिक्षण मयाकेत सल्लाह बी।
स्वयादिसं
- एंजियोप्लास्टी (रक्तवाहिकासंधान)
लिधंसा
पिनेया स्वापू
 |
विकिमिडिया मंका य् थ्व विषय नाप स्वापु दुगु मिडिया दु: Angiography |