कोलोरेक्टल क्यान्सर (वा कोलोन क्यान्सर, रेक्टल क्यान्सर वा बावल क्यान्सर) धाःगु कोलोन वा रेक्टमय् (तःप्वाःगु आन्द्राया कुचात) दयावैगु क्यान्सर ख।[१] थ्व क्यान्सर कोलोरेक्टल कुचाया कोषतेगु असाधारण वृद्धिं जुयावैगु ल्वय् ख, नापं, थ्व ल्वय् म्हया मेमेगु भागय् नं पुनावनेफु।[२] थ्व ल्वय्या लक्षणय् खिइ हि खनेदैगु, तौल म्हो जुया वनिगु, दिसा यायेगु बानी पाइगु, न्ह्याबिलय् नं त्यानुसें च्वनिगु आदि ला। [३]