After Hours av The Velvet Underground
| After Hours Song av The Velvet Underground frå albumet The Velvet Underground | ||
| Utgjeve | Mars 1969 | |
| Innspelt | November – desember 1968 T.T.G. Studios,[1] Hollywood Sunset og Highland Sound, Hollywood | |
| Lengd | 2:07 | |
| Selskap | MGM Records | |
| Komponist | Lou Reed | |
| Tekstforfattar | Lou Reed | |
| Låtskrivar(ar) | Lou Reed | |
|---|---|---|
| Produsent | The Velvet Underground | |
«After Hours» er ein song frå 1969 skriven av Lou Reed[2] og framført av The Velvet Underground. Han er den tiande og siste songen på det sjølvoppkalla, tredje albumet deira.[3] Han er ein av få songar med solovokal av trommeslagaren Maureen Tucker, sidan Lou Reed meinte songen var «så uskuldig og rein» at han ikkje kunne syngje songen sjølv. Tucker vert akkompagnert av akustisk gitar og bass. Tekststilen og musikken kan minne om ein Tin Pan Alley-song frå 1930-åra. .[4]
Songen vart sidan spelt inn på ny av Maureen Tucker i lag med The Changelings i 2002. Han vart gjeven ut på singel i lag med «I'm Sticking with You».
Musikkvideo
I 2014 heldt Universal Music Enterprises ein konkurranse i samarbeid med Genero om å få laga ein offisiell musikkvideo for songen.[5] Frå 120 innsendte forslag, vart videoen til Choking Monkey Productions vald ut som vinnar og sidan lasta opp på Velvet Underground Vevo YouTube-kanalen.[6][7]
Andre versjonar
- R.E.M. framførte songen på turneen for albumet Green, og eit opptak finst på DVD-en Tourfilm.
- Blind Melon-songaren Shannon Hoon song songen på ein konsert i 1995, som ein kan sjå på slutten av DVD-en Letters from a Porcupine.
- Meg White frå The White Stripes song songen 31. desember 2000 som avslutning på nyårskonserten deira og kom ut på ei avgrensa utgjeving som Vault Package #44.
- Anthony Kiedis og John Frusciante frå Red Hot Chili Peppers spelte songen i 1991 på ein båt medan dei vart intervjua av VPRO i Amsterdam i Nederland.
- Rilo Kiley spelte òg inn ein versjon i 2002 for ein delt EP.
- James Iha framførte songen med A Perfect Circle den 31. januar 2004 på ein turné i Frankrike.
- Autolux-trommisen, Carla Azar, framførte songen som eit ekstranummer på ein konsert i Henry Fonda Theatre.
- Ein versjon av Babyshambles finst på luksusutgåva deira av albumet Sequel to the Prequel i 2013.
- Eddie Vedder framførte songen under Pearl Jam-turneen i Nord-Amerika i 2013, som ein hyllest til Lou Reed.
Medverkande på originalinnspelinga
Kjelder
- Denne artikkelen bygger på «After Hours (The Velvet Underground song)» frå Wikipedia på engelsk, den 25. mars 2022.
- Wikipedia på engelsk oppgav desse kjeldene:
- ↑ Discogs - T.T.G. Studios (Hollywood) profile and discography
- ↑ Martin Charles Strong, The Great Indie Discography (Canongate U.S., 2003), [1].
- ↑ Grow, Kory (24. november 2014). «The Velvet Underground on Most Profound Album: 'Lou Was a Force of Nature'». Rolling Stone. Arkivert frå originalen 11. desember 2017. Henta 25. mars 2022.
- ↑ http://thepopbreak.com/2012/04/25/brent-johnsons-lost-songs-after-hours-by-the-velvet-underground/
- ↑ «The Velvet Underground - After Hours | Genero». Genero. Henta 28. mars 2021.
- ↑ «The Velvet Underground – 'After Hours' Results». Genero. 22. januar 2015. Arkivert frå originalen 25. januar 2015.
- ↑ «The Velvet Underground - After Hours - YouTube». YouTube. 24. februar 2015. Arkivert frå originalen 19. desember 2021.