Aynsley Dunbar

Aynsley Dunbar

Fødd10. januar 1946 (78 år)
FødestadLiverpool i England
FødenamnAynsley Thomas Dunbar
OpphavStorbritannia
Aktiv1961 til i dag
SjangerHardrock, bluesrock, progressiv rock, glamrock, jazz, blues, jazzfusion, heavy metal
Instrumenttrommer, perkusjon
Tilknytte artistarThe Jeff Beck Group, David Bowie, Frank Zappa, UFO, Whitesnake, Journey, Jefferson Starship, Lou Reed, John Mayall & the Bluesbreakers, Sammy Hagar, Jake E. Lee
Verka somMusikar, låtskrivar
Gift medWendy Walters

Aynsley Thomas Dunbar (fødd 10. januar 1946) er ein engelsk trommeslagar. Han har arbeidd med nokre av toppartistane i rocken, som John Mayall, Frank Zappa, Ian Hunter, Lou Reed, Jefferson Starship, Jeff Beck, David Bowie, Whitesnake, Sammy Hagar, UFO og Journey.[1] Dunbar er av Rolling Stone rangert som den 27. beste trommeslagaren gjennom tidene.

Karriere

Dunbar vart fødd i Liverpool i England. Han prøvespelte for The Jimi Hendrix Experience og Hendrix hadde vanskar å velje mellom Dunbar og Mitch Mitchell, men det var sistnemnde som vann etter at Hendrix kasta mynt.

Dunbar leia Aynsley Dunbar Retaliation som gav ut fleire album. Dunbar var medlåtskrivar på «Warning», spelt inn av Black Sabbath på debutalbumet deira. Dunbar-versjonen vart spelt inn i 1967 for soloutgjevinga hans på The Aynsley Dunbar Retaliation.

Dunbar starta så eit kortvarig progrockband kalla Blue Whale, som debuterte med ein turne i Skandinavia i januar 1970. Etter at den opphavlege besetninga i King Crimson kollapsa, prøvde Dunbar utan hell å få tak i Robert Fripp som gitarist i Blue Whale. Fripp, prøvde så, òg han utan hell, å hyre Dunbar som den nye trommeslagaren i King Crimson.

Dunbar spelte seinare trommer for Frank Zappa sitt Mothers of Invention, og spelte på album som Waka/Jawaka og The Grand Wazoo, samt i filmen 200 Motels. I 1974 spelte han på filmmusikken til Dirty Duck, ein animasjonsfilm for vaksne av Chuck Swenson. Midt i 1970-åra spelte Dunbar trommer for tidlegare Grin-leiar, Nils Lofgren, før han vart med i Journey for dei første fire albuma deira. Han forlet dei og vart med i Jefferson Starship for tre album. I 1985 vart Dunbar med Whitesnake og spelte trommer albumet deira Whitesnake. Han har òg spelt trommer for Eric Burdon og The Animals.

I nyare tid har han spelt trommer på Jake E. Lee-albumet Retraced (2005).

Han har vore trommeslagar for World Classic Rockers sidan 2003.

Diskografi

Med Aynsley Dunbar Retaliation

  • The Aynsley Dunbar Retaliation (1968)
  • Doctor Dunbar's Prescription (1969)
  • To Mum, From Aynsley & The Boys (1969)
  • Remains To Be Heard (1970)

Aynsley Dunbar

  • Mutiny (2008)

Med Blue Whale

  • Blue Whale (1971)

Med John Mayall & Bluesbreakers

  • A Hard Road (1967)
  • Looking Back (1969)
  • So Many Roads (1969)
  • Thru The Years (1971)

Med Frank Zappa

Med David Bowie

Med Lou Reed

Med Mick Ronson

  • Slaughter on 10th Avenue (1974)
  • Play Don't Worry (1975)

Med Nils Lofgren

  • Nils Lofgren (1975)
  • Cry Tough (1976)

Med Ian Hunter

  • All American Alien Boy (1976)

Med Paul Kantner

  • Planet Earth Rock and Roll Orkester (1983)

Med Journey

Med Sammy Hagar

  • Nine on a Ten Scale (1976)

Med Jefferson Starship

  • Freedom at Point Zero (1979)
  • Modern Times (1981)
  • Winds of Change (1982)

Med Whitesnake

  • Whitesnake (1987)
  • 1987 Versions (1987)

Med Ronnie Montrose

  • The Diva Station (1990)

Med UFO

  • Covenant (2000)
  • Sharks (2002)

Med Jake E. Lee

  • Retraced (2005)

Kjelder

  1. ↑ Huey, Steve. «Biography: Aynsley Dunbar». Allmusic. Henta 4. mai 2011. 

Bakgrunnsstoff