Do Wah Diddy Diddy

«Do Wah Diddy Diddy» er ein song skriven av Jeff Barry og Ellie Greenwich og opphavleg spelt inn i 1963 av den amerikanske vokalgruppa the Exciters.

Han vart kort tid etter spelt inn av den britiske R&B-, beat- og popgruppa Manfred Mann. Manfred Mann-versjonen, som selde betre, vart spelt inn 11. juni 1964 og gjeve ut den 10. juli^[1] og låg to veker på toppen av singellista i Storbritannia i august^[2] og to veker øvst på Billboard Hot 100 i USA i oktober.^[3] I Noreg nådde singelen fjerdeplassen.

Salslister

Andre versjonar

• I 1964 vart songen spelt inn av den franske songaren Sheila som «Vous les copains». Same året vart han spelt av Québécois songaren Tony Roman, som «Do Wha Diddy».
• Reparata and the Delrons spelte inn songen i 1965 for albumet Whenever a Teenager Cries.
• Det britiske popbandet Dave Dee, Dozy, Beaky, Mick & Tich spelte songen som finst på samlealbum av bandet.
• Andrew Gold spelte songen i 1976 på albumet What's Wrong with This Picture.
• Songen vart spelt inn av den tyske jentegruppa À La Carte i 1980, og av den nederlandske jentegruppa Dolly Dots i 1982.
• The Fools, eit rockeband frå Massachusetts, spelte inn ein vrsjon i 1985 som vart mykje spelt på MTV.
• Songen vart parodiert av den kontroversielle hip hop-gruppa 2 Live Crew i 1988 på albumet Move Somethin', og av Macc Lads i songen deira Manfred Macc.
• The Moffatts spelte inn songen i 1995.
• I 1995 spelte den tyske popgruppa Fun Factory songen som «Doh Wah Diddy», som vart den største hitten deira i Tyskland til då.
• Songen vart omgjort av den koreanske idolgruppa Shinhwa i 1998.
• DJ Ötzi gav ut ein versjon i 2001.
• Riders in the Sky gav ut ein Monsters, Inc.-versjon på albumet Monsters, Inc. Scream Factory Favorites i 2002.
• Songen vart spelt inn av Kramer på albumet hans The Brill Building, ei samling songar frå 1960-åra, skrivne i Brill Building.
• Neil Diamond spelte songen på albumet Up on the Roof: Songs from the Brill Building

I popkulturen

• Songen vart nytta av Bill Murray og Harold Ramis i 1981 i filmen Stripes og har sidan vorte nytta som marsjrop i militæret.
• Songen vert nytta i LA Story, ein film frå 1991 av Steve Martin.
• Han vart nytta som kjenningsmelodi for den filippinske fjernsynsserien Ang TV i 1990-åra.
• Songen vart sungen av Jesse and the Rippers på Full House.
• Songen vart sungen av Melissa McCarthy i ein episode av Mike and Molly.
• Songen vart nytta i filmen My Girl frå 1991, sungen av hovudrolla Vada Sultenfuss.
• songen vart sungen av Jill Taylor i ein episode av Home Improvement
• Songen vart nytta i Short Circuit 2.

Kjelder

Bakgrunnsstoff

• Heile songteksten på MetroLyrics
• 55 Years Ago: Manfred Mann Hit No.1 With ‘Do Wah Diddy Diddy’ ved ultimateclassicrock.com