Hippo Regius
Hippo Regius var ein romersk by i noverande Algerie. Han ligg like ved den moderne byen Annaba.
![](http://upload.wikimedia.org/wikipedia/commons/thumb/0/0d/Roman_Inscription_in_Annaba_%28Hippo_Regius%29%2C_Algeria_%28EDH_-_F002802%29.jpeg/220px-Roman_Inscription_in_Annaba_%28Hippo_Regius%29%2C_Algeria_%28EDH_-_F002802%29.jpeg)
Hippo Regius var ein større nordafrikansk by i romersk tid. Numidiske kongar budde her, og etter Punarkrigane (264-146 f.Kr.) blei han sjølvstendig.
I kristen tid blei byen eit trussentrum. Det husa tidlege konsil som konsilet i Hippo (år 393), og blei bispesetet for kyrkjelæraren Augustin.
Byen blei øydelagd av vandalar i 431. Han kom under Det austromerske riket, men blei øydelagd igjen, av arabarar, i 697. Staden blei verande ein liten busetnad. Frankrike tok kontroll over han i 1832 og skipa ein kommune her i 1848.
Kjelder
- «Annaba». Encyclopædia Britannica. Encyclopædia Britannica Online. Henta 4. januar 2015.