Kravlenisse

Kravlenissene er ein dansk juletradisjon.^[1] Han er ei avbilding av ein julenisse på papp som ein kan henga opp på veggar eller møblar som julepynt.^[2]

Allereie i byrjinga av 1900-talet hadde nokre teiknarar laga nisse-utklippsark, og i 1920-åra teikna Alfred Schmidt nissar til glede for borna på Krebs' skule, der sonen hans var styrar.

Men det var den danske julenisseteiknaren Frederik Bramming som i 1947 fann på å kalla utklippsark med små pappnissar for «kravlenisser».^[3] Han teikna dei to første arka med kravlenissar som kom ut i 80 000 eksemplar. Det blei ein stor suksess, og allereie året etter fanst det mange ulike utgåver av kravlenissane.