Nordre Aker prosti

Nordre Aker prosti er eit tenestedistrikt i Oslo bispedømme i Den norske kyrkja. Det er eitt av dei fem prostia som dekkjer Oslo kommune. Prosten har sete på Torshov.

Prostiet vart oppretta i 1984, under namnet Torshov prosti. Området høyrde før det under Oslo Domprosti. Namnet vart endra frå Torshov til Nordre Aker i 1994.^[1] Frå skipinga femnde prostiet prestegjelda Grefsen, Lilleborg, Paulus, Sagene, Sofienberg, Tonsen og Torshov. I 2011 vart sokna Hasle og Sinsen overført til prostiet, medan Grefsen vart ført frå prostiet til Vestre Aker prosti og Tonsen til Østre Aker prosti.^[2]

Prostiet er inndelt i sokn. Soknet er grunneininga i Den norske kyrkja. Dei som arbeider i kyrkja er anten tilsette av soknet gjennom Oslo kyrkjeleg fellesråd, eller dei er tilsette i prostiet. Dei fleste prestane er tilsette i prostiet, og har tenesta si knytt til eitt eller fleire sokn.

Prestetenesta var tidlegare organisert lokalt gjennom prestegjeld. Ordninga vart fasa ut frå 2004. Før utfasinga hadde Nordre Aker prosti desse prestegjelda:

• Sofienberg prestegjeld med
  • Sofienberg sokn

• Torshov prestegjeld med
  • Torshov sokn

• Tonsen prestegjeld med
  • Tonsen sokn

• Paulus prestegjeld med
  • Paulus sokn

• Lilleborg prestegjeld med
  • Lilleborg sokn

• Sagene prestegjeld med
  • Sagene sokn
  • Iladalen sokn

• Grefsen prestegjeld med
  • Grefsen sokn

• Kyrkjer i Noreg etter kommune
• Kyrkjer i Noreg etter prosti
• Prosti i Den norske kyrkja

• Om Nordre Aker prosti på nettstaden til Den norske kyrkja

59°56′19″N 10°46′24″E / 59.93861°N 10.77333°E / 59.93861; 10.77333