Pástra
Pastra Πάστρα | |||
fjell | |||
Land | Hellas | ||
---|---|---|---|
Område | Attikí og Viotía | ||
Fjellkjede | Kitherónas | ||
Høgd | 1 025 moh. | ||
Pástra |
Pástra (gresk Πάστρα) er eit fjell på grensa mellom periferieiningane Attikí og Viotía. Det er ein del av fjellkjeda Kitherónas og den høgaste toppen heiter Koúrteza (Κούρτεζα) eller Tsoúka (Τσούκα) og er på 1 025 moh.
Av planteliv på fjellet finn ein kratt, steineik, nåletre og jordbærtre. Av dyr finn ein mellom anna harar, revar, svarttrost og raud rapphøne.
Historie
Det låg fleire busetnadar rundt Pasta i antikken, som Oinoi (Οινόη), Eleftherai (Ελευθεραί), Erythrai (Ερυθραί) og Ysiai (Υσιαί). Fleire festningsverk vart bygd i fjellsida frå rundt 400 fvt. til moderne tider.
I desember 1997 styrta eit fly på Pastra då det skulle lande på flybasen i Tanágra.
Religiøse bygg
På Pastra ligg klosteret Profítis Ilías (Προφήτης Ηλίας) og kyrkjene Ájos Dimítrios (Άγιος Δημήτριος), Ájos Athanásios, (Άγιος Αθανάσιος), Ajía Marína (Αγία Μαρίνα), Ajía Triáda (Αγία Τριάδα) og Ájos Jeórjos (Άγιος Γεώργιος).
Kjelde
- Denne artikkelen er basert på ei omsetjing av artikkelen Pastra (mountain) frå Engelsk Wikipedia .