SomBy
| SomBy | |||
| Aktiv | 2004- | ||
|---|---|---|---|
SomBy er ei finsk samisk musikkgruppe frå Sodankylä som syng på nordsamisk. Gruppa blei skipa i 2004 og er ikkje oppløyst, sjølv om ho er blitt mindre aktiv.[1]
Gruppa blei skipa i Vuotso i Sodankylä i 2004 av Miira Suomi, Milla Pulska og Unna-Marit Pulska.[2] I 2007 blei Juho Kiviniemi og Oula Guttorm frå Enare med.[3][4]
Gruppa er knytt til plateselskapet Tuupa Records Oy, som også den skoltesamiske songaren Tiina Sanila og den enaresamiske rapparen Amoc høyrer til.[4][5] SomBy gav ut det fyrste albumet sitt, Čáhppes Lasttat, 24. mai 2008.
Gruppa har blant anna medverka i offisiell finsk turistreklame gjennom ein video der medlemmane snakkar om heimstaden og kor viktig det samiske opphavet deira er.[6]
Etter ti år reduserte gruppa verksemda si. Systene Pulska skipa gruppa Ravggon (ei nemning for ein rein som ikkje vil halda seg på plassen sin i ein rajd).[1]
Prisar og utmerkingar
I 2009 vann gruppa Sámi Grand Prix med songen «Ii iđit vel», og fekk dermed representera samane ved Liet-Lávlut, ei internasjonal musikktevling for minoritetsspråk.[7]
Medlemmar
- Miira Suomi, song
- Milla Pulska, piano
- Unna-Maari Pulska, trommer
- Juho Kiviniemi, bass
- Oula Guttorm, gitar
Diskografi
- Čáhppes Lasttat, 2008
- Álás eana, 2010
- Viimmat, 2014[8]
Kjelder
- ↑ 1,0 1,1 Studio Sápmi 28. januar 2017, henta 3. april 2019
- ↑ Norrländska Socialdemokraten 11 december 2009: Drömmar på annat språk, henta 22. november 2011
- ↑ «SomBy». Henta 29. august 2010.
- ↑ 4,0 4,1 «SomBy, Facebook». Henta 29. august 2010.
- ↑ «Tuupa Records». Henta 29 augusti 2010.
- ↑ Visit Finland: Möt Somby - ett rockande sameband, henta 22. oktober 2016
- ↑ «SomBy, Liet International». Henta 29. august 2010.[daud lenkje]
- ↑ Sameradion & SVT Sápmi 16 januari 2015: Kitok och Somby har släppt ny musik, hentar 16. mars 2015
- Denne artikkelen bygger på «Somby (musikgrupp)» frå Wikipedia på svensk, den 6. mai 2022.