Flage

Flage es piese de stofe, pozati lateralim,

ofte dekorati pro embleme, usat kom vidal signale o simbole. Flages es normalim usat pro landes, nationes sin state, regiones, urbes ma anke organisationes, e pluri konstrukteti lingues have flages.

Ante li flages li empereros de China haved dekdu baneres : armees kun baneres.

Li quar plu valorosi esed mandjui, li quar pos esed mongoli, li quar min valorosi esed chiniani. Li unesmi manjui haved li banere de ore.

Al yarsente tri ante KE li chinianes did krea li "laterali baneres", dunke li flages.

Pos li flages pasad en li omni oriente e li europanes did konosa li flages da li arabes duran li crusades.

Anteu les haved simboles sur li skutes e baneres, ma non flages. Li romanes haved li skultati agles, li skultati litres SPQR (Senatus PopulusQue Romanus / li Senate E li Romani Popule) e sub, li redi drape ma en banere non en flage.

Li plu ansieni europani flage de state anke usati es li Danebrog, nunim Dannebrog, li flage de Dania, kreati en 1219.

Del unesmi krusade venid anke li flage del Auvernia e disi de Toulouse.

Pluri flages de state esed al komenso flages del Marine kom li olandi, gresi e norvegi flages.