Aiguaviva de Bergantes
|
Aiguaviva de Bergantes
| ||
|---|---|---|
 | ||
| ||
| ||
| Geografia fisica | ||
| Coordenadas | 40° 49′ 01″ N, 0° 10′ 58″ O | |
  | ||
| Geografia politica | ||
| País |  Espanha | |
| Comunautat autonòma | Aragon  | |
| Província | Teròl | |
| Comarca | Bas Aragon | |
| Municipalitat | Aiguaviva de Bergantes | |
| Primièr cònsol Mandat en cors |
||
| Geografia umana | ||
| Populacion (INE) (2016) |
550, ab. | |
| Autras informacions | ||
| Còde postal | 44566 | |
| Còde INE | [1] | |
Aiguaviva de Bergantes (en castelhan Aguaviva) es un municipi de la província espanhòla de Teròl dins la Comunautat Autonòma d'Aragon.
Aiguaviva es un municipi tradicionalment catalanòfon.
Toponimia
Aiguaviva
Aiguaviva ven del latin aqua, « aiga » e viva [1] (parièr en occitan) o de lors resultats en latin vulgar e en catalan.
Aig(u)a(s)viva(s) es un sintagma espandit coma toponime mai que mai en occitanoromanic (i a pas d'exemples, per las comunas o los municipis, d' *Aguaviva en iberoromanic o d' *Eauxvives en galloromanic; vertat es qu'en espanhòl o en portugués, l'adjectiu seriá diferent). Es mai que mai al plural, benlèu pas dempuèi l'origina, mès demòra al singular dins Aiguaviva de la Selva e Aiguaviva de Bergantes, las comunas catalanas (lo monestier d'Aigües Vives, a Carcaixent, al País Valencian, usa çaquelà del plural). Lo nom demanda pas de traduccion e pòt èsser motivat per la preséncia de rius, de fonts, o de rius que naisson de fonts; en mai del sens literal e concret, la motivacion del nom foguèt benlèu son aspècte melioratiu o valorizant : es benlèu pas per azard se, almens per las comunas e municipis, se tròba sonque en clima mediterranèu o oceanic d'influéncia mediterranèa e s'es absent de Lemosin, d'Auvèrnhe e de Gasconha, que l'aiga i manca pas. Dins la practica, se limita (totjorn per las comunas o municipis), al catalan, al lengadocian meridional e oriental e a la broá del provençal : a donc un caractèr regional net.
Bergantes
Bergantes es un riu de 60 km, afluent de Guadalop. Los ajustants son entre Aiguaviva e La Ginebrosa.
Nòtas e referéncias
- ↑ Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 5, per las comunas de l'estat francés
