Basilica de Sant Sarnin

	Basilica de Sant Sarnin de Tolosa
Donadas
Coordenadas	43° 36′ 30″ N, 1° 26′ 31″ E
Estat	Occitània,; França
Region	Occitània
Tipe	Basilica
Classificacion	Monument istoric (1840); Patrimòni Mondial (1998, al títol dels Camins de Sant Jacme de Compostèla en França)
	<img src="https://maps.wikimedia.org/img/osm-intl,10,43.608485,1.442126,265x265.png?lang=oc" width="265" height="265" decoding="async" srcset="https://maps.wikimedia.org/img/osm-intl,10,43.608485,1.442126,265x265@2x.png?lang=oc 2x" alt="Carte">
Culte
Estacament	Arquidiocèsi de Tolosa
Arquitectura
Construccion	Sègle XI-Sègle XII
Estil	Romanic
Site web	basilique-saint-sernin.fr…

La Basilica de Sant Sarnin es un dels edificis religioses mai importants d'Occitània, e subretot lo mai emblematic de Tolosa (Lengadòc). Es un santuari bastit per recaptar las relíquias de Sant Sarnin, avesque de Tolosa, martirizat en 250. La carrièra del Taur que mena de la plaça del Capitòli a la basilica tira d'efièch son nom de las circonstàncias del martiri, Sarnin essent estat trach per un taure furiós per çò qu'èra una rota sortissent de la vila. L'edifici sèrva 260 capitèls romanics^[1] e es lo simbòl de l'arquitectura romanica occitana. Tolosa recebiá la visita de nombroses romieus pel Camin de Sant Jaume de Compostèla, o venguts onorar las relíquias de Sant Sarnin. Sant Sarnin foguèt puèi un dels centres de pelegrinatge pus importants de l'Occident medieval. Venguèt monument istoric en 1840 e es estada inscricha al Patrimòni Mondial de l'UNESCO en 1998.