Bonbon a la violeta
Las violetas de Tolosa son de leceriás elaboradas amb de flors frescas de violetas, de la varietat violeta odoranta, cristallizada dins lo sucre, especialitat de Tolosa.
Caracteristica
Lor fabricacion es fòrça delicata çò que la fa rara e cara. D'unas son de cruscar e d'autras, mai sovent mens afinadas, servisson per decorar los dessèrts. Existís tanben a Tolosa de bonbons parfumats a la violeta dichs « bonbons a la violeta »[1].
Varianta
En Espanha, existís un pichon bonbon, dich caramelo de violeta, d'une talha de dos centimètres en forma de violeta de cinc petals. Foguèron d'en primièr fabricats per Vicente Sola, en 1915, dins sa pasteleriá madrilenca «La Violeta»[2],[3].
Nòtas e referéncias
- ↑ "Maguelone">(en)Maguelonne Toussaint-Samat, A History of Food, Ed. Wiley-Blackwell, 1994, p. 556.
- ↑ "Horacio">(es)Horacio De Dios, Madrid - Guía Completa, Dios Editores, p. 36.
- ↑ "Llopis">(es)Manuel Martínez Llopis, La dulcería española, Alianza Editorial, Dulcería típica de Madrid, 1999.
