Camp de concentracion
![](http://upload.wikimedia.org/wikipedia/commons/thumb/c/cf/Camp_des_Milles_20_%28Les_Milles%2C_Bouches-du-Rh%C3%B4ne%2C_France%29.jpg/220px-Camp_des_Milles_20_%28Les_Milles%2C_Bouches-du-Rh%C3%B4ne%2C_France%29.jpg)
Un camp de concentracion es un luòc d'empresonament de talha granda creat per gropar e detenir, generalament dins de condicions de vidas marridas, una populacion considerada coma enemiga. Aquela populacion pòu se compausar d'opausants politics, de residents de país enemics, de grops etnics ò religiós especifics, de civius d'una zòna de combat critica... etc. Lei detencions i son basadas sus de critèris generaus e pas per de rasons juridicas. Lo tèrme apareguèt a la fin dau sègle XIX durant la Segonda Guèrra dei Boers per designar lei camps fondats per lei Britanics per gropar e isolar la populacion civila boer.