La cloroquina (ò resoquina) es un medicament de la familha deis amino-4-quinoleïnas. Desvolopat entre 1934 e 1936 per una còla d'IG Farben dirigida per Hans Andersag (1902-1955), es un medicament antipaludic.
Conjugada amb l'usatge dau DDT, la cloroquina permetèt l'eradicacion dau paludisme dins lei regions temperadas. D'efiech, a respèct dei moleculas similaras, aviá pauc d'efiechs segondaris (principalament de trèbols de la vision). Foguèt ansin largament utilizat dins lo mond fins a l'aparicion de resisténcias importantas de part dau parasit a l'origina de la malautiá a partir deis ans 1960. Dins lo corrent deis ans 1980, foguèt donc necessari de lo remplaçar per d'autrei substàncias.
