KV (carri)
![](http://upload.wikimedia.org/wikipedia/commons/thumb/1/19/Soviet_tank_KV-1_model_1939.jpg/220px-Soviet_tank_KV-1_model_1939.jpg)
![](http://upload.wikimedia.org/wikipedia/commons/thumb/9/94/KW-2_1940.jpg/220px-KW-2_1940.jpg)
Lei carris KV son una seria de carris de rompedura sovietics producha entre 1939 e 1943. Divèrsei versions foguèron desvolopadas, generalament equipadas d'un armament poderós (canon de 76,2 mm ò de 85 mm, obusièr de 152 mm) e d'un blindatge important. Sa mission premiera èra d'atacar lei posicions fortificadas enemigas mai sa poissança de fuòc e son blindatge li permetián tanben d'engatjar de carris enemics.
En particular, en 1941, lei KV-1 susprenguèron leis Alemands per sa resisténcia e sa capacitat a destrurre lei blindats alora en servici au sen de la Wehrmacht. A partir de 1943, lei KV foguèron pauc a pauc remplaçats per lei carris pesucs IS-2 mai certaneis unitats contunièron de leis utilizar fins a la fin de la guèrra. Leis Alemands utilizèron tanben de KV capturats fins a 1943.