Moja blanca
![](http://upload.wikimedia.org/wikipedia/commons/thumb/a/a0/Cistus_albidus_flowers.jpg/220px-Cistus_albidus_flowers.jpg)
![](http://upload.wikimedia.org/wikipedia/commons/thumb/9/9d/Cistus_albidus_MHNT.BOT.2009.17.16.jpg/220px-Cistus_albidus_MHNT.BOT.2009.17.16.jpg)
La muja blanca (Cistus albidus) es un arbrilhon caracteristic de la garriga, suportant plan un periòde d’ariditat e aman los sols calcaris.
Caracteristicas
Lo cistus albidus es un arbrilhon de la familha de las cistacèas de talha mejana (entre 0,5 e 1,2 m. de naut).
Son fulhatge persistant gris clar es compausat de fuèlhas simplas, sessilas, oposadas e cobèrta de pels estelats, d'aquel aspècte li ven lo seu nom, albidus es blanquinós en latin.
Sa florason s'espandís d’abril a junh quand sortís una inflorescença en cima unipara elicoïda compausada de flors formadas per 5 petalas d’aspècte afatonit e de color ròsa. Las flors atrason las abelhas, parpalhons e d'autres insèctes assegurant una pollinizacion entomogama.
Los fruchs de la moja blanca son de capsulas dehiscentas de 5 valvas. L'epandiment dels fruchs es epizoochora.
Espandiment
Se trapa dins l'ensems de l'entorn mediterranèu (fins al Daufinat, Vivarés e Roergue), en Santonge e en Vendèa.
Abitat: garrigas e costièras subretot calcàrias
References
Ligams extèrnes
- Referéncia Tela Botanica (França metropolitana) : Cistus albidus L., 1753 (fr)
- Referéncia NCBI : Cistus albidus (en)
- Referéncia GRIN : espècia Cistus albidus L. (en)