Nosta Dauna deu Pialar
Nosta Dauna deu Pialar (var. Nòstra Dòna dau/del Pilar), en castelhan : Nuestra Señora del Pilar, qu'ei ua anciana glèisa de Buenos Aires situada dens lo quartièr de la Recoleta.
La glèisa que ho bastida peus pairs Recolèts, d'aubediéncia franciscana, au sègle XVIIIau e acabada en 1732 dab un mostièr e un cemitèri.
En 1870, las familhas ricas e poderosas de Buenos Aires que s'installèn dens la Recoleta en tot abandonar lo sud de la vila per'mor d'ua terribla epidemia de còlera e de hrèbe jauna.
Nosta Dauna deu Pialar que vadó atau lo center deu navèth quartièr de las classas poderosas de la ciutat, sepelidas dens lo son cemitèri de la Recoleta. Evita Perón, a maugrat de la soa ostilitat clarament exprimida de cap a l'oligarquia, qu'ei la personalitat mei famosa sepelida dens lo cemitèri de la Recoleta.
