Teule
![](http://upload.wikimedia.org/wikipedia/commons/thumb/1/12/Toit_en_tuile-canal.jpg/250px-Toit_en_tuile-canal.jpg)
![](http://upload.wikimedia.org/wikipedia/commons/thumb/2/2c/Tejas_antiguas.jpg/220px-Tejas_antiguas.jpg)
Lo teule (var. la teula) es una pèça de forma corba, elaborada amb tèrra cuècha, que se flòca dins la part exteriora de la cubèrta, en conformant lo teulat, per recebre e canalizar l'aiga de pluèja, la nèu...
Lo teule ceramic
Lo teule ceramic es un dels materials de bastiment mai emplegat dins fòrça regions coma revestiment o cobriment de techs. Una caracteristica avantatjosa dels teules elaborats amb d'argila es sa durada longa, e sos còst bas e mantenença magra.
Lor forma a cambiat segon las epòcas, culturas e regions, encara que lor emplec foguèt similar, en evolucionant al long dels sègles.
Los teules ceramics se pòdon classificar, segon la forma, en:
- Teule corb, o canal, o arabi, o roman, de forma acanalada.
- Teule plan, de forma pus complèxa, dispausa de caneladuras e se remarca per son ajustament.
- Teule mixte, amb aparéncia similara de la corba, e una part plana.
Existisson tanben de pèças especialas, de formas divèrsas, destinadas a solucionar las zònas pus complèxas del teulat, coma las "limas" (arestas), e d'autres elements, e punts singulars.