ਹੀਥ ਲੇਜਰ

ਹੀਥ ਲੇਜਰ
56ਵੇਂ ਬਰਲਿਨ ਅੰਤਰਰਾਸ਼ਟਰੀ ਫ਼ਿਲਮ ਫੈਸਟੀਵਲ ਦੌਰਾਨ ਫਰਵਰੀ 2006 ਵਿੱਚ ਹੀਥ ਲੇਜਰ
ਜਨਮ	ਹੀਥਕਲਿਫ਼ ਐਂਡਰਿਊ ਲੇਜਰ (1979-04-04)4 ਅਪ੍ਰੈਲ 1979 ਪਰਥ, ਪੱਛਮੀ ਆਸਟਰੇਲੀਆ
ਮੌਤ	22 ਜਨਵਰੀ 2008(2008-01-22) (ਉਮਰ 28) ਨਿਊ ਯਾਰਕ ਸ਼ਹਿਰ, ਨਿਊ ਯਾਰਕ, ਯੂ.ਐੱਸ.
ਮੌਤ ਦਾ ਕਾਰਨ	ਜਹਿਰੀਲੀ ਦਵਾਈ ਦੀ ਮਾਤਰਾ ਕਰਕੇ
ਕਬਰ	ਕਰਾਕੱਟਾ ਸੈਮੇਟਰੀ
ਪੇਸ਼ਾ	ਅਦਾਕਾਰ, ਸੰਗੀਤਕ ਵੀਡੀਓ ਨਿਰਦੇਸ਼ਕ
ਸਰਗਰਮੀ ਦੇ ਸਾਲ	1993–2008
ਸਾਥੀ	ਮਿਚੇਲ ਵਿਲੀਅਮਸ (2004–07)
ਬੱਚੇ	1

ਹੀਥਕਲਿਫ਼ ਐਂਡਰਿਊ ਲੇਜਰ (4 ਅਪ੍ਰੈਲ 1979 -22 ਜਨਵਰੀ 2008) ਇੱਕ ਆਸਟਰੇਲੀਆਈ ਟੈਲੀਵਿਜ਼ਨ ਅਤੇ ਫ਼ਿਲਮੀ ਅਦਾਕਾਰ ਸੀ। 1990 ਦੇ ਦਹਾਕੇ ਦੌਰਾਨ ਆਸਟਰੇਲੀਆਈ ਟੀਵੀ ਅਤੇ ਫ਼ਿਲਮਾਂ ਵਿੱਚ ਕੰਮ ਕਰਨ ਤੋਂ ਬਾਅਦ ਲੇਜਰ 1998 ਵਿੱਚ ਆਪਣੇ ਫ਼ਿਲਮੀ ਜੀਵਨ ਨੂੰ ਨਿਖੇਰਣ ਲਈ ਸੰਯੁਕਤ ਰਾਜ ਅਮਰੀਕਾ ਚਲਾ ਗਿਆ ਸੀ। ਉਸਦੇ ਕੰਮ ਵਿੱਚ 19 ਫ਼ਿਲਮਾਂ ਸ਼ਾਮਿਲ ਹਨ ਜਿਸ ਵਿੱਚ 10 ਥਿੰਗਸ ਆਈ ਹੇਟ ਅਬਾਊਟ ਯੂ (1999), ਦ ਪੈਟ੍ਰੀਔਟ (2000), ਮੌਂਸਟਰਜ ਬਾਲ (2001), ਅ ਨਾਈਟਸ ਟੇਲ (2001), ਬ੍ਰੋਕਬੈਕ ਮਾਉਂਟੇਨ (2005) ਅਤੇ ਦ ਡਾਰਕ ਨਾਈਟ (2008) ਸ਼ਾਮਿਲ ਹਨ।^[1] ਅਦਾਕਾਰੀ ਤੋਂ ਇਲਾਵਾ ਉਸਨੇ ਕਈ ਸੰਗੀਤਕ ਵੀਡੀਓ ਦਾ ਨਿਰਮਾਣ ਅਤੇ ਨਿਰਦੇਸ਼ਨ ਵੀ ਕੀਤਾ ਅਤੇ ਲੇਜਰ ਇੱਕ ਫ਼ਿਲਮ ਨਿਰਦੇਸ਼ਕ ਬਣਨਾ ਚਾਹੁੰਦਾ ਸੀ।^[2]

ਬ੍ਰੋਕਬੈਕ ਮਾਉਂਟੇਨ ਵਿੱਚ ਈਨੀਸ ਡੇਲ ਮਾਰ ਦੀ ਭੂਮਿਕਾ ਲਈ ਲੇਜਰ ਨੂੰ 2005 ਵਿੱਚ ਸਭ ਤੋਂ ਵਧੀਆ ਅਦਾਕਾਰ ਦਾ ਨਿਊਯਾਰਕ ਫ਼ਿਲਮ ਆਲੋਚਕ ਦਾਇਰਾ ਇਨਾਮ ਅਤੇ 2006 ਵਿੱਚ ਆਸਟਰੇਲੀਆ ਫ਼ਿਲਮ ਇੰਸਟੀਚਿਊਟ ਦਾ ਸਭ ਤੋਂ ਵਧੀਆ ਪੁਰਸਕਾਰ ਦਿੱਤਾ ਗਿਆ ਸੀ ਅਤੇ 2005 ਦੇ ਸਭ ਤੋਂ ਵਧੀਆ ਅਦਾਕਾਰ ਦੇ ਅਕੈਡਮੀ ਅਵਾਰਡ ਦੇ ਨਾਲ ਹੀ ਨਾਲ ਉਸਦੀ ਭੂਮਿਕਾ ਲਈ ਸਭ ਤੋਂ ਵਧੀਆ ਅਦਾਕਾਰ ਲਈ 2006 2006 BAFTA ਇਨਾਮ ਲਈ ਵੀ ਨਾਮਜ਼ਦ ਕੀਤਾ ਗਿਆ ਸੀ।^[3] ਹੀਥ ਲੇਜਰ ਨੂੰ ਮਰਨ ਤੋਂ ਬਾਅਦ 2007 ਦਾ ਇੰਡਿਪੈਂਡੈਂਟ ਸਕ੍ਰਿਪਟ ਰਾਬਰਟ ਅਲਟਮੈਨ ਇਨਾਮ ਸਾਂਝੇ ਤੌਰ 'ਤੇ ਫ਼ਿਲਮ ਆਈ ਐਮ ਨਾਟ ਦੇਅਰ ਦੇ ਹੋਰ ਕਲਾਕਾਰਾਂ, ਨਿਰਦੇਸ਼ਕ ਅਤੇ ਫ਼ਿਲਮ ਦੇ ਕਾਸਟਿੰਗ ਨਿਰਦੇਸ਼ਕ ਨੂੰ ਦਿੱਤਾ ਗਿਆ ਸੀ, ਜੋ ਅਮਰੀਕੀ ਗਾਇਕ-ਗੀਤਕਾਰ ਬੌਬ ਡਿਲਨ ਦੇ ਜੀਵਨ ਅਤੇ ਗੀਤਾਂ ਤੋਂ ਪ੍ਰੇਰਿਤ ਸੀ। ਫ਼ਿਲਮ ਵਿੱਚ ਲੇਜਰ ਨੇ ਇੱਕ ਕਾਲਪਨਿਕ ਅਦਾਕਾਰ ਰੌਬੀ ਕਲਾਰਕ ਦਾ ਕਿਰਦਾਰ ਨਿਭਾਇਆ ਹੈ, ਜੋ ਡਿਲਨ ਦੇ ਜੀਵਨ ਅਤੇ ਵਿਅਕਤੀਤਵ ਦੇ ਛੇ ਪਹਿਲੂਆਂ ਦਾ ਸੰਗਠਿਤ ਰੂਪ ਹੈ।^[4] ਫ਼ਿਲਮ ਦ ਡਾਰਕ ਨਾਈਟ ਵਿੱਚ ਜੋਕਰ ਦੀ ਭੂਮਿਕਾ ਲਈ ਉਸਨੂੰ ਨਾਮਜ਼ਦ ਕੀਤਾ ਗਿਆ ਅਤੇ ਉਸਨੇ ਇਹ ਇਨਾਮ ਵੀ ਜਿੱਤਿਆ, ਜਿਸਦੇ ਵਿੱਚ ਸਭ ਤੋਂ ਵਧੀਆ ਸਹਾਇਕ ਅਦਾਕਾਰ ਦਾ ਅਕੈਡਮੀ ਇਨਾਮ, ਸਭ ਤੋਂ ਵਧੀਆ ਅਦਾਕਾਰ ਦਾ ਇੱਕ ਅੰਤਰਰਾਸ਼ਟਰੀ ਇਨਾਮ ਅਤੇ ਪਹਿਲੀ ਵਾਰ ਕਿਸੇ ਨੂੰ ਦਿੱਤਾ ਜਾਣ ਵਾਲਾ ਮਰਨ-ਉਪਰੰਤ^[5] ਆਸਟਰੇਲੀਆ ਫ਼ਿਲਮ ਇੰਸਟੀਚਿਊਟ ਇਨਾਮ, 2008 ਵਿੱਚ ਸਭ ਤੋਂ ਵਧੀਆ ਸਹਾਇਕ ਅਦਾਕਾਰ ਲਾਸ ਏਂਜਲਸ ਫ਼ਿਲਮ ਆਲੋਚਕ ਐਸੋਸੀਏਸ਼ਨ ਇਨਾਮ, 2009 ਵਿੱਚ ਸਭ ਤੋਂ ਵਧੀਆ ਸਹਾਇਕ ਅਦਾਕਾਰ ਲਈ ਗੋਲਡਨ ਗਲੋਬ ਇਨਾਮ, ਸਭ ਤੋਂ ਵਧੀਆ ਸਹਾਇਕ ਅਦਾਕਾਰ ਦਾ 2009 ਦਾ BAFTA ਇਨਾਮ ਸ਼ਾਮਿਲ ਹਨ।

ਉਸਦੀ ਮੌਤ 28 ਸਾਲ ਦੀ ਉਮਰ^[6] ਵਿੱਚ ਅਨੁਸ਼ੰਚਿਤ ਦਵਾਈਆਂ ਦੇ ਜਹਿਰੀਲੇ ਸੇਵਨ ਨਾਲ ਹੋ ਗਈ ਸੀ।^[7][8][9] ਲੇਜਰ ਦੀ ਮੌਤ ਦ ਡਾਰਕ ਨਾਈਟ ਦੇ ਸੰਪਾਦਨ ਦੌਰਾਨ ਹੋਈ, ਜਿਸਦਾ ਪ੍ਰਭਾਵ ਉਸਦੀ 180 ਮਿਲੀਅਨ ਡਾਲਰ ਦੀ ਲਾਗਤ ਵਾਲੀ ਫ਼ਿਲਮ ਦੇ ਪ੍ਰਮੋਸ਼ਨ 'ਤੇ ਵੀ ਪਿਆ।^[10] ਆਪਣੀ ਮੌਤ ਸਮੇਂ 22 ਜਨਵਰੀ 2008 ਨੂੰ ਉਹ ਟੋਨੀ ਦੇ ਤੌਰ 'ਤੇ ਆਪਣੀ ਭੂਮਿਕਾ ਦਾ ਲਗਭਗ ਅੱਧਾ ਕੰਮ ਪੂਰਾ ਕਰ ਚੁੱਕਿਆ ਸੀ, ਜੋ ਟੇਰੀ ਗਿਲੀਅਮ ਦੀ ਆਉਣ ਵਾਲੀ ਫ਼ਿਲਮ ਦ ਈਮਾਗਿਨਾਰਿਅਮ ਆਫ਼ ਡਾਕਟਰ ਪਨਰਸੁਲਮ ਵਿੱਚ ਸੀ।

• ਹੀਥ ਲੇਜਰ ਫਾਈਂਡ ਅ ਗ੍ਰੇਵ 'ਤੇ
• ਹੀਥ ਲੇਜਰ, ਇੰਟਰਨੈੱਟ ਮੂਵੀ ਡੈਟਾਬੇਸ 'ਤੇ