Ateneo de Zamboanga University

Ing Universidad a Ateneo de Zamboanga (Ateneo de Zamboanga University king Ingles) metung yang privadung Universidad a Jesuita king Albugang Mindanao. Ya ing kadwang matwang diling pipagaralan a Jesuita king Filipinas. Migumpisa ya kareng elementaria ampong matas a pipagaralan (high school) kanitang minuna. Mika colegiu ya kanitang 1952, at megi yang universidad ketang Agosto 2001. Adwa ya campus ngening salukuyan. King La Purisima Street ya ing main campus, nung nu la mayayakit deng colegiu ampo ing elementaria. Keta ne mang bayung gawang campus a makalawal king centru ning Zamboanga Lakanbalen (Zamboanga City proper), ing matas a pipagaralan. Maki balak a mitikdong bayung facilidad ketang bayung campus, kayabe ne ing katuglung ning elementaria, metung a auditorium, at bayung facilidad a pang-pasiknangan (sports facilities).

Ing Ateneo de Zamboanga ing maki maragul diling aklatan king Lakanbalen ning Zamboanga. Ing oficial dang pahayagan deng magaral yapin ing The Beacon Magazine.

Suglung

• Zamboanga City
• Ateneo
• List of Jesuit institutions

Suglung a palwal

• Official Website
• Ateneo de Zamboanga University Tumaga Campus Archived Mayu 14, 2007 at the Wayback Machine