Bukud kareng pikabaluan a paralan ning pamanyiksik larawan a lossy (lossy image compression techniques) ning Joint Photographic Experts Group - deng JPEG ampong JPEG 2000 - atin ya muring atlung standard para king lossless compression (nung nu atin yang uri [mode] a lossy ing JPEG-LS) iti.
Ing DPCM encoder model.Mapilang pepasimpling block diagram para king sistemang lossless.Atlung siping-siping a sample a makapadurut king sample a papaula (to be predicted).
Ing lossless JPEG meyalkus (developed) ya antimong tauling dagdag king JPEG kanitang 1993. Gagamit yang tutung aliwang paralan ketang lossy JPEG standard. Gagamit yang predictive scheme (paralan ning pamanula) iti kareng atlung pekamalapit (causal) a kasiping na (babo o upper, kaili o left, ampong babong kaili o upper-left), at magagamit ing entropy coding ketang prediction error (kamalian king pamanula). E re susuportan deng standard Independent JPEG Group library, dapot ginawa yang patch i Ken Murchison ning Oceana Matrix Ltd., nung nu tutuglungan ne ing IJG library ba neng asuportan ing Lossless JPEG. Dakal la muring gagamit king Lossless JPEG king pamaglarawan a pang-medisina (medical imaging). Magagamit ya mu naman king DNG ampo kareng aliwang digital camera ba lang isiksik deng e pa meprosesung larawan (raw images), oneng liban kaniti, e maleparan ing pamangamit kaya.
