Decada

dékada

Supkategoria di	intervalo di tempu, decade
Parti di	siglo
Kantidat físiko	durashon
Subdivision of this unit	lustrum
Lista di tema	list of decades, centuries, and millennia

Un decada (Boneiro|Corsou: dékada) ta referi na un periodo di dies aña. E palabra ta bini di e palabra latin decem, ku ta nifiká dies. Decadanan por describi cualke periodo di dies aña, manera esnan di bida di un persona, of referi na agrupacionnan specifico di añanan kalendario.

Den un sentido mas specifico, un decada ta un di e periodonan di dies aña den cua ta dividi den forma regular di tempo un conteo di añanan. E prome decada, sigui pa e di dos decada i asina por sigui. E prome decada ta consisti di e prome dies aña, cuminsando cu aña 1 y cabando ora 10 aña a pasa, pues cu aña 10. E di dos decada ta cuminsa cu aña 11 y ta caba cu aña 20. Cada decada siguiente ta cuminsa cu un aña cu ta caba den 1 y ta caba cu un aña cu ta divisibel pa 10, pues cu un aña cu ta caba den 0. Aunke e kalender gregoriano no tabata existi ainda e tempu ey, e prome decada - pues e prome 10 aña - ta consisti di añanan 1 pa 10. Pues no tin aña 0.

E norma internacional ISO 8601 ta uza e kalender gregoriano proleptico y ta cuminsa un decada cu un asina yama aña di decada, un aña cu ta divisibel pa 10. E periodo 1990 pa 1999 (e añanan di cuater cifra cuminsando cu 199) ta constitui un decada, esta e añanan 1990.^[1] E prome decada di nos conteo di ananan e ora ey ta consisti di e añanan 10 pa 19 y cu ta haci, por ehèmpel, e periodo di 2020 pa 2029, e “añanan binti” di siglo 21.