Florin Antiano

Florin Antiano
Moneda cu balor di 50 cent, 1990
Kódigo ISO 4217	ANG
Símbolo	NAƒ, ƒ
Pais	Kòrsou Sint Maarten  Aruba (te 1986)  Hulanda Karibense (te 2011)
Divishon	100 cent
Remplasá pa	Florin karibense
Banko Sentral	Banko Sentral di Kòrsou i Sint Maarten
Kambio  di moneda	1 USD = 1.790 ANG (cambio fiho) 1 EUR = 1,99 ANG (26 april 2019)
Imágennan riba Wikimedia Commons
[Editá Wikidata] · [Manual]

Florin Antiano ta nòmber ofisial di e moneda di Kòrsou i Sint Maarten. E ta e susesor di e florin di Kolonia Kòrsou, ku tabata e moneda usá na Aruba, Kòrsou, Boneiru, Saba, Sint Maarten i Sint Eustatius te 1952. Na Aruba, florin antiano a wòrdu usá te dia promé di yanüari 1986, ora a introdusí Florin Arubiano. Na Boneiru, Saba i Sint Eustatius, a sigui us'é te dia promé di yanüari 2011, ora el a wòrdu remplasá pa dòler merikano.

E signo bankario ofisial di florin antiano ta NAƒ. Den práktika ta usa tambe Afl òf ANG. Florin ta supdividí den 100 'cent' (forma plural hulandes: centen). Desde 2011, a keda propone pa sustituí florin antiano pa e resien kreá florin karibense.^[1]

Na Papiamentu, e idioma ofisial di Aruba, Boneiru i Kòrsou, ta yama florin antiano simplemente 'florin'^[2] E kódigo ISO-4217, ANG, ta derivá for di ANtilliaanse Gulden, mientras ku e signo di e moneda, NAFl, ta derivá for di Netherlands Antilles Florin.

Den siglo 18, florin hulandes tabata sirkulá den Kolonia Kòrsou. Esaki a keda suplementá na 1794 pa un moneda kreá spesífikamente pa e kolonianan hulandes den India Oksidental. Na e momento ei, florin tabata wòrdu supdividi den 20 stuiver.

Entre 1799 and 1828, reaal tabata sirkulá entre e islanan, kaminda 1 reaal = 6 stuiver òf  3,3 reaal = 1 florin. Florin hulandes a keda reintrodusí na 1828, awor subdividí den 100 cent. Na momento ku moneda nan a kuminsa wòrdu introdusí mas spesífikamente pa uso den Antia, e tabata wòrdu saká bou di nòmber di Kòrsou, referiendo na kolonia Kòrsou i su dependensianan, kaminda ku e promé biyete i monedanan, denominá den moneda hulandes, a keda introdusí na 1892 i 1900 respektivamente. E nòmber Antia Hulandes a keda introdusí na 1952.

Na 1940, despues di e okupashon Aleman di Hulanda, e konekshon ku e moneda hulandes a keda kibrá i a introdusí un konekshon di kambio ku e dòler merikano kaminda ku 1.88585 florin = 1 dollar. E konekshon a keda adapta na 1,79 florin = 1 dollar na 1971. Atraves di tempu esaki a keda adapta na 1.77 florin = 1 dollar.

Na 1986, Aruba a haña su status aparte i a bandona Antia. Poko despues di esaki, Aruba a kuminsa saka su propio moneda, florin arubiano, kual a remplasá e florin antiano. Desde 1 di yanüari 2011 e florin a keda remplasá pa e dòler merikano ($) na Boneiru, Saba i Sint Eustatius.^[3]

E siguiente seri di moneda ta sirkulá: 1, 5, 10, 25 i 50 sèn i e monedanan di 1, 2½ en 5 florin.

Na 1892, e banko sentral yamá Banko kurasoleño a introdusí biyete den denominashon di 25 i 50 sèn, 1 i 2,50 florin. Esaki tabata e úniko temporada ku a saka cent na biyete. Biyete di 5, 10, 25, 50, 100, 250 i 500 florin a sigui na 1900. Biyete di 1 i 2,50 florin a keda suspende despues di 1920, pero a wòrdu reintrodusí pa gobièrnu na 1942 bou di e nòmber di muntbiljet.

Desde 1954, e nòmber "Nederlandse Antillen" a kuminsa aparesé riba parti patras di e biyete di Banko kurasoleño, i, for di 1955, e muntbiljet (spesifikamente esun di 2,50 florin) tabata wòrdu saká bou di e nòmber Nederlandse Antillen. Na 1962, e banko sentral su nòmber a keda kambia pa Banko di Antias Hulandes. Na 1969, biyete ku fecha di  28 di ougùstùs 1967, a keda introdusí. E parti dilanti di e biyete nan aki ta ilustra e monumento di Statut na parti lenks i ta remplasá e muhé sintá ku por a topa riba e biyete nan anterior i riba e parti patras por mira ilustrashon di un eskudo di arma nobo.^[4] Na 1970, a saka e ultimo muntbiljet den denominashon di 1 i 2,50 florin. Produkshon di e biyete di 500 florin a keda deskontinuá na 1962.