Lista di país sin frontera maritimo
| Supkategoria di | pais, estado  |
|---|---|
| Lo kontrario di | pais insular |
Un país sin frontera marítimo ta un país of siudat soberano ku ta enteramente rondoná ku tera òf ku su frontera marítimo ta keda na un laman será. Aktualmente tin 14 país den e situashon akí, di kual kuater ta parsialmente rekonosé. Solamente dos, Bolivia i Paraguai den Sur Amérika ta pafo di Afro-Eurasia (Mundu Bieu).
E ousensia di un frontera marítimo tin chens di hasi un pais ekonómikamente i polítikamente hèndikèp. Pesei mayoria país den historia a lucha pa haña akseso na e lamannan grandi, maske ku esei por tabata kosta rikesa i kombate pisá.
Dependiendo di e grado di desaroyo, barera di idioma i otro konsiderashonnan, keda sin frontera maritimo por òf no por ta un desventaha ekonómiko. Algun país den historia ku tabata sin frontera maritimo, manera Suecia, Luxembourg i Lichtenstein, frekuentemente por huza neutralidat na nan adventaha politikamente.
E gran mayoria, sinembargo, ta klasifiká komo Landlocked Developing Countries (LLCS). Nuebe di e diesdos país ku e Human Development Index (HDI) di mas abou, tin ousensia di un frontera marítimo.
Historia i importansia
Histórikamente mirá mayoria país sin frontera tabata keda perhudiká riba diferente tereno. E paísnan aki tabata keda sin akseso na laman, butando ku no tatin akseso na rekurso manera piskamentu. Mas importante ainda, tabata buta ku e país no tabatin akseso na komèrsio marítimo, ku te dia di awe ta forma un gran parti di komèrsio internashonal. Mayoria biaha paísnan ku akseso na laman tin mas rikesa i nan ta mas densamente poblá ku e paísnan ku ta keda mas paden.
Paísnan a hasi varios intento pa preveni ku paísnan ta keda sin frontera marítimo:
- E Association Internationale du Congo ku tabata na mando den e aktual Republika Demokratiko Congo, a haña un pida teritorio ku anterior tabata pertenese na Angola dor di e Konferensha Kolonial di Berlin ku a tuma lugá na 1885, pa e kolonia por keda konekta ku laman.
- Republika Ragusa a duna e siudat kostera Neum na e Imperio Otomano na 1699, paso Republika Ragusa no tabata kier tabatin frontero ku e Republika Venesia. E pida munisipio akí finalmente a keda hereda pa Bosnia Herzogovina i esei a ta e motibu ku e pais tin akseso limitá na e Laman Adriatiko i ku e kosta Adriatiko di Kroatia ta partí na dos i ku mester krusa frontera dos biaha foi Kroatia pa por yega Dubrovnik.
- Despues di Promé Guera Mundial, Polonia a haña e Corridor Polako pa asina haña akseso na Laman Ost.
- Donau ta un riu internashonal, pa asina duna e paísnan parti paden di Oropa, kual ta Austria, Serbia i Slovakia, akseso na Laman Pretu sin muchu problema.
- Mesun kos ta konta pa e Rijn, kaminda ku e Akto di Manheim ta duna akseso na e Laman Nort.
Paísnan por perde akseso na laman tambe, kual no ta tur biaha ta sin konsekuensia:
- Kreashon di e paísnan nobo Eritrea (na 1993) i Montenegro (na 2006) a buta ku Etiopia i Serbia a perde frontera marítimo.
- Bolivia a perde su frontera maritimo na man di Chile despues di e Guera di Salpeter ku a dura di 1879 pa 1884. Te dia di awe e marina di Bolivia ta trein den e Lago Titica pa si dado kaso sosede ku Bolivia bolbe haña akseso na laman.
- Austria i Hungria a perde nan akseso na laman komo resultado di e Tratado di Trianon na 1920. Promé ku e tempu akí e puerto Kroatiko Rijeka tabat fungi komo e uniko puerto internashonal di Hongaria, den e periodonan 1779-1813, 1822-1848 i 1868-1918. Aunke Kroatia tabatin un monarchia konstitushonal den Hongaria, Rijeka no tabata kai den esaki i tabata keda goberná for di Boedapest pa un gobernador.
- Despues ku e Alliadonan a reparti e Imperio Otoman despues di e Tratado di Sèvres na fin di e Promé Guera Mundial, Armenia a keda primintí un parti di e vilajet Trebizond, kual lo a duna Armenia akseso na Laman Pretu. Sin embargo e Tratado di Sèvres no a keda realisá komo resultado di e Guera di Independencia Turko i a keda remplasá pa e Tratado di Lausanne, den kua e teritorio a keda duná na Turkia.
E Konvenshon di Nashonan Uni pa Derecho riba Laman desde 1994 a duna paísnan sin frontera maritimo derecho pa un pasahe pa i for di laman, sin ku e transporte tin ku keda pasa den paísnan di transito. Nashonan Uni tin un plan di akshon pa sostene paísnan den desaroyo i ku falta frontera marítimo. E responsabilidat pa esaki ta kai bou di sekretaris-general Anwarul Karim Chowdhury.
Algun país tin un kosta largu, pero gran parti di e kosta aki no ta sirbi pa komèrsio. Rusia por ehempel, durante di su historia tabatin solamente haf na e Laman di Eis Nort, kual pa gran parti di aña ta di vris. E akseso na un puerto ku awa di laman kayente tabata un stimulante importante pa e ekspanshon Rusiano den direkshon di Laman Ost, Laman Pretu i Oceano Pasifiko.
Algun país tin kosta ku ta keda na un laman marginal, manera Laman Kaspiko. Komo ku den algun kaso e lamannan aki ta keda mirá komo lago i paso nan no ta duna e oportunidat pa komèrsio internashonal, paísnan manera Kazachstan ta keda konsiderá komo pais sin frontera maritimo. Laman Kaspiko, sin embargo, si tin un konekshon ku awa dor di e Wolga-Donkanal ku Laman Pretu i pues ku oceano.
Lista di paísnan sin frontera marítimo
Gran parti di e paísnan sin frontera maritimo por keda hinka den grupo bou di e siguiente blòk di paísnan:
- Paísnan sin frontera marítimo den Asia Sentral (6): Afganistan, Kazachstan, Kirgizië, Tadzjikistan, Turkmenistan en Oezbekistan
- Paísnan sin frontera marítimo den Oropa Sentral (8 òf 9): Hungria, Kosovo[3], Liechtenstein, Nort Macedonia, Austria, Serbia, Slovakia, Czechia i Suesia
- Paísnan sin frontera maritimo den Afrika Sentral i Ost Afrika (10): Burkina Faso, Burundi, Republika Sentral Afrikano, Etiopia, Mali, Nigeria, Uganda, Rwanda, Chad i Sur Sudan
- Paísnan sin frontera marítimo den Sur Afrika (4): Botswana, Malawi, Zambia i Zimbabwe
- Paísnan sin frontera marítimo den Kaukasia (2): Armenia i Azerbaijan
- Paísnan sin frontera marítimo den Sur Amérika: Bolivia i Paraguai
Banda di esei tin e siguiente paísnan sin frontera marítimo ku no tin frontera ku niun otro país ku tambe tin e absensia di un frontera marítimo:
- Afrika: Lesotho i Swaziland
- Asia: Bhutan, Laos, Mongolia i Nepal
- Oropa: Andorra, Luxembourg, Moldavia, San Marino, Suidad Vatikano i Belarus
Esakinan ta generalmente den Oropa paísnan chikí ku tin hopi kontakto ku paísnan bisiña. E pasahe liber di merkansia i persona ta buta ku en realidat tin akseso na laman.
Ora ku konta Armenia ku Azerbeidzjan komo país ku ta keda den Oropa, por bisa ku e kontinente ei tin 16 país sin frontera marítimo, kual ta hasiele e kontinente ku tin mas di e paísnan ei. Ora ku konta Kazachstan tambe aserka, e kantidat aki ta krese bira 17. Pero si konta e tres paísnan aki komo país ku ta keda den Asia, e ora ei Afrika ta esun ku tin mas país sin frontera maritimo. Asia tin entres 9 pa 13 país sin frontera marítimo (dependiente di e tres paísnan menshoná mas ariba) i Sur Amérika tin solamente dos. Nort Amerika i Oseania no tin ningun país sin frontera marítimo. Oseania no tin ningun frontera riba tera mes.
Paísnan sin frontera maritimo rondoná dor di país sin frontera marítimo
Na e momentunan aki tin dos país sin frontera maritimo ku ta keda será den otro país sin frontera maritimo. Pues un habitante di un país asina tinku krusa frontera dos biaha pa por yega kosta di un laman. Esaki nan ta:
- Liechtenstein den Oropa Sentral
- Oezbekistan den Asia Sentral
Liechtenstein tin frontera ku Turkmenistan en Kazachstan, di kual ambos ta keda na Laman Kaspiko ku no ta duna akseso na laman. Pues Liechtenstein te uniko país na e momentunan aki ku ta kumpli ku tur kriteria pa por ta "un país sin frontera maritimo rondoná dor di país sin frontera maritimo".
Oezbekistan ta un país sin frontera maritimo rondoná dor di país sin frontera maritimo desde ku Union Sovietiko a kai na 1991. Liechtenstein a bira un país sin frontera maritimo despues di kaida si Oustria-Hongaria na 1918, pero tabatin frontera maritimo entre 1938 i 1945 ora ku Oustria a keda aneksá pa Nazi Alemania.
Paísnan ku kasi tin absensia di un frontera marítimo
E siguiente paísnan ta kasi forma un país sin frontera marítimo dor di nan kosta kortiku: