La Fiat Punto I a l'é na vitura compata da sità costruìa da la meison viturìstica Fiat, surtìa dël 1994 an sostitussion dla Fiat Uno. A l'era disegnà da Giorgetto Giugiaro e la soa variant decapotàbil a l'era disegnà da Bertone. Për produvla a l'é stàit duvertà un grand ëstabiliment an Lucania, a Melfi, che ancora ancheuj a l'é duvert e che a l'é un dij pì produtiv d'Euròpa. Dël 1994 la Punto I a l'ha vagnà ël prèmit ëd Vitura dl'ani 1995 e dël 1996 a l'é stàita la vitura pì vendùa an Euròpa, tant për marché sò grand sucess. Për la meison costa-sì a l'é stàita la prima vitura ëd Segment B con carosserìa zincà per nen fela dësvërnisè. A l'era vendùa con tre o sinch portere. Le motorisassion a benzin-a a j'ero da 35 e 90 CV, cole a gaseuli a j'ero da 60 e 70 CV.
An dzorpì dla dròla version decapotàbil a son stàite fàite 'dcò 'd version sportive 'me la GT, con tre portere e motor da 130 CV.
