Grasse

Grasse a l'é na sità e comun-a fransèisa, postà ant j'Alp Marìtime an Còsta Asura, an sij contrafòrt dle prealp. Sò nòm a ven, peul desse, da Crassus o Grassus, un rich propietari ëd tère. A conta 49100 abitant.

La comun-a a l'ha arseivù l'arconossiment ëd Sità e pais d'art e dë stòria.

Ël sènter ëstòrich

Ant ël sènter ëstòrich a-i son na desen-a ëd ca medievaj ch'a testimònio ëd n'época ëd benesse ëd la sità.

Conomìa

Grasse a l'é un sènter amportant për la përfumerìa.

A l'adoss l'atività dla sità a l'era ansentrà an sle pel.
Al prinsipi dël sécol ch'a fa XVIII ij guantié-përfumé ëd Grasse as son organisasse an corporassion con dij sò statù. Ma a l'ancamin dël sécol ch'a fa XIX la concorensa dle ca parisin-e a l'ha obligà ij përfumé ëd Grasse a bandoné ël comersi dij prodot finì e a voltesse vers col ëd le materie prime.

L'andustria dj'essense ëd fior a conta al di d'ancheuj na tranten-a ëd bòite a Grasse (7% dla gira d'afé mondial ëd l'andustria dij përfum). Le doe colture dominante a son: la reusa ëd maj a fior sempie e ël giussmin, la varietà a fior grande, entà ansima a dël giussmin oficinal. Peui a-i ven ël portugal a fruta amèra.

Leu d'anteresse

• La catedral ëd Notre-Dame-du-Puy
• Musé antërnassional ëd la përfumerìa
• Vila musé Jean-Honoré Fragonard
• Musé d'art e dë stòria ëd Provensa
• Musé provensal dla vesta e dël bisó

Eveniment e manifestassion

• Exporose, quatr di an maj
• Festa dël giussmin, tre di durant la prima fin dë sman-a d'ost
• Fera dël biològich, la prima fin dë sman-a dë stèmber

Anliure

• Pàgina ufissial