کلر کہار جھیلضلع چکوال، پنجاب، پاکستان وچ موٹروے دے نال واقع اک جھیل اے ۔ ایہ نمکین پاݨی دی جھیل اے ۔ ایہ ایک مشہور و معروف تے خوبصورت سیاحتی مقام اے ۔ سیاح ایتھے مچھی دا شکار تے کشتی رانی کر دے نیں ۔ جھیل دے کنارے مختلف جھولے وی لگے ہوئے نیں ۔ ایتھے سیاحاں دے قیام لئی محکما سیاحت پنجاب دی قیام گاہ موجود اے ۔ ایہ سالٹ رینج وچ اک قدرتی جھیل اے جو صاف شفاف تےقدرتی پاݨی نال لبریز پہاڑاں دے درمیان اپݨی مثال آپ اے ۔ ایہنوں چشمے دا پاݨی پَعھردا اے تے فیر جھیل توں بہہ کے اک ندی دی شکل اختیار کر لیندا اے ۔ ایہ جھیل زیادہ ڈونگھی نئیں ۔ زیادا توں زیادا 4 ، 5 فٹ اے ۔ قدرتی مناظر ہر پاسے ایہدی خوبصورتی نوں ہور نکھاردے نیں ۔ پکھیروآں نوں دیکھݨ لئی بہترین جگہ تے خوبصورت موراں نوں قدرتی محول وچ دیکھݨ لئی واحد جگہ اے ۔ ایہ راولپنڈی توں 135 کلومیٹر عام سڑک دے ذریعے براستا چکوال تے 100 کلومیٹراسلام آباد توں بذریعا موٹر وے آ ۔
پاکستان
