سید محمد ګلابزوی
| زېږونځای | |
|---|---|
| ښاروندتوب | |
| زېږون نېټه |
۱۹۵۱  |
| ګوند | |
| دنده |
| عمومي مالومات |
|---|
| جګړه |
|---|
| جایزې |
|---|
تورن جنرال سید محمد ګلابزوی (په ۱۹۵۱ زیږدیز کال کي زېږېدلی) یو افغان سیاستوال دی. ګلابزوى د ځدراڼو د قوم اړوند يو پښتون او له پکتيا ولايت سره اړه لري. ګلابزوی د هوایی ځواک د میخانیک روزني له لاري د هوایي ځواک په کالج کي زده کړي لاسته راوړي دي. د هوایی ځواک د افسر په توګه هغه د داود خان د 1973 کودتا څخه ملاتړ وکړ چي د پاچا ظاهر شاه واکمني یې نسکوره کړه، او د هوایی ځواک د قوماندان د مرستیال په توګه یې انعام ترلاسه کړ. په 1976 کي ګلابزوی د رادار ټیکنالوژۍ د زده کړي لپاره شوروي اتحاد ته لاړ. [۱]
ګلابزوی د حفیظ الله امین له خوا د افغانستان د کمونست خلق دیموکراتیک ګوند (PDPA) د خلق په ډله کي ګمارل سوی وو، او د 1978 کال د ثور په انقلاب کي یې لږ رول درلود، کوم چي نوموړی یې PDPA (د افغانستان د خلکو دیموکراتیک ګوند) ته ورساوه. د ثور تر کودتا وروسته نوي ولسمشر نورمحمد تره کي نوموړی د مرستیال او وروسته د مخابراتو وزیر وټاکه. [۱] په کمونیستي رژیم کي د کورنیو شخړو تر زیاتېدو وروسته ګلابزوی له امین څخه ځان لري کړ، او د افسرانو له یوې ډلي سره په یوځای کېدو یې د امین په وړاندي دسیسه جوړه کړه، چي په کي اسلم وطنجار او اسدالله سروري هم شامل وه. څرنګه چي د دوی یاده کودتا ناکامه سوه، نو ځکه یې د ۱۹۷۹ کال د سپټمبر په ۱۴ مه د شوروي په سفارت کي پناه واخیستل. د ۱۹۷۹ کال د ډسمبر په میاشت کي ګلابزوی او د هغه متحدینو د شوروي ځواکونو د لارښود په توګه په افغانستان باندې د شوروي له یرغل سره مرسته وکړه. [۲]
د شورویانو له لوري د حفیظ الله امین تر وژني وروسته کارمل اړ سو چي د خلق له سیالي ډلي سره ددوی د نفوذ له امله تړون ترسره او ځیني چوکۍ ورته پریږدي. د پخلايني په دې تړون کي ګلابزوى چي يو مشهوره خلقي وو، د کورنيو چارو وزير وټاکل سو او په دې توګه د څارندوی ("د انقلاب د مدافعینو") په قومانده کي چي د یو درانه وسله وال نیمه پوځي جنډرمیري ځواک وو، ځای پر ځای سو. [۳] ګلابزوی د یادي دندي سربېره د امين له مړيني وروسته د خلق د ډلي مشرتوب هم لاسته راوړ.
د ۱۹۸۸ کال د نومبر په میاشت کي د خلق او پرچم تر منځ د نویو کړکیچونو په ترڅ کي ګلابزوی له خپلي دندي لیري او د پرچمي ولسمشر محمد نجیب الله له خوا مسکو ته د سفیر په توګه واستول سو. نوموړي په عین وخت کي په رومانیا او فنلینډ کي د DRA سفیر په توګه دنده ترسره کړه. ویل کیږي چي ګلابزوی دا وخت روسانو ته د نجیب الله د احتمالي ځای ناستي په توګه خپل وړاندیز هم سپارلۍ وو. [۴] د ۱۹۹۰ کال د مارچ په میاشت کي د جنرال شاهنواز تڼی له ناکامې کودتا وروسته ګلابزی له نورو خلقیانو سره له ګوند څخه وشړل سو [۵] او له 1990 څخه تر 1992 پوري یې مخکي تر دې چي مسکو ته کډه سي په ارمنستان کي استوګنه ترسره کړه.
د اسلامي جمهوریت تر منځ ته راتګ وروسته په 2005 کي ګلابزوی د افغانستان په ولسي جرګه کي د خوست ولایت د استازي په توګه وټاکل سو. [۶]
ګلابزوی په حقوقو او نظامي علومو کي د ماسټرۍ سندونه لري، او له همدې کبله یې د داخلي امنیت په کمیټه کي دنده درلوده. [۶]
د غبرګونونو وړاندېز
- ↑ ۱٫۰ ۱٫۱ Amstutz, J. Bruce (1986). Afghanistan: The First Five Years of Soviet Occupation. Diane publishing. pp. 388. ISBN 978-0-7881-1111-2.
- ↑ Kakar, Hassan M. (1995). Afghanistan: The Soviet Invasion and the Afghan Response, 1979-1982. Berkeley: University of California Press. pp. 185 and 315. ISBN 978-0-520-20893-3.
- ↑ Urban, Mark (1990). War in Afghanistan. London: Palgrave MacMillan. pp. 46 and 182. ISBN 0-333-51477-7.
- ↑ Urban, p.259
- ↑ Maley, William (2002). The Afghanistan Wars. Palgrave MacMillan. p. 173. ISBN 0-333-80291-8.
- ↑ ۶٫۰ ۶٫۱
. January 2009.
{cite news}: Missing or empty|title=(help); Unknown parameter|Publisher=ignored (|publisher=suggested) (help); Unknown parameter|Title=ignored (|title=suggested) (help)