ᱟᱠᱷᱛᱟᱨᱤ ᱵᱟᱭ ᱯᱷᱮᱭᱡᱟᱵᱟᱫᱤ
| ᱵᱮᱜᱚᱢ ᱟᱠᱷᱛᱟᱨ | |
|---|---|
| ᱨᱮᱫ:Begum Akhtar (1942).jpg Screen shot as "Akhtari Fyzabadi" from film Roti (1942) | |
| ᱵᱤᱵᱚᱨᱚᱱ | |
| ᱡᱟᱱᱟᱢ ᱧᱩᱛᱩᱢ | ᱟᱠᱷᱛᱟᱨᱤ ᱯᱷᱮᱭᱡᱟᱵᱟᱫᱤ |
| ᱡᱟᱱᱟᱢ | ᱗ ᱚᱠᱴᱚᱵᱚᱨ ᱑᱙᱑᱔ ᱯᱷᱟᱭᱡᱟᱵᱟᱫᱽ, ᱭᱩᱱᱤᱴᱮᱰ ᱯᱨᱚᱵᱷᱤᱱᱥ, ᱵᱨᱤᱴᱤᱥ ᱵᱷᱟᱨᱚᱛ (ᱱᱤᱛᱚᱜ ᱵᱷᱟᱨᱚᱛ], ᱵᱷᱟᱨᱚᱛ) |
| ᱢᱩᱬ | ᱯᱷᱟᱭᱡᱟᱵᱟᱫᱽ, ᱟᱣᱟᱫᱷ |
| ᱵᱚᱝᱜᱟ ᱛᱟᱞᱟ | ᱓᱐ ᱚᱠᱴᱚᱵᱚᱨ ᱑᱙᱗᱔ (᱖᱐ ᱵᱚᱭᱚᱥ) ᱟᱦᱢᱮᱰᱟᱵᱟᱫ, ᱜᱩᱡᱟᱨᱟᱴ, ᱵᱷᱟᱨᱚᱛ |
| ᱡᱮᱱᱨᱮᱥ |
|
| ᱚᱠᱩᱯᱮᱥᱚᱱ | ᱥᱮᱨᱮᱧᱤᱭᱟᱹ |
| ᱠᱟᱹᱢᱤ ᱚᱠᱛᱚ | 1929 – 1974 |
.jpg){kind=link}
ᱟᱠᱷᱛᱟᱨᱤ ᱵᱟᱭ ᱯᱷᱮᱭᱡᱟᱵᱟᱫᱤ (᱗ ᱚᱠᱴᱚᱵᱚᱨ ᱑᱙᱑᱔ - ᱓᱐ ᱚᱠᱴᱚᱵᱚᱨ ᱑᱙᱗᱔), ᱡᱟᱦᱟᱸᱭ ᱫᱚ ᱵᱮᱜᱚᱢ ᱟᱠᱷᱛᱟᱨ ᱢᱮᱱᱛᱮ ᱦᱚᱸ ᱠᱚ ᱵᱟᱰᱟᱭᱮ ᱠᱟᱱ ᱛᱟᱦᱮᱸᱫ, ᱩᱱᱤ ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱥᱮᱨᱮᱧᱤᱭᱟᱹ ᱟᱨ ᱮᱠᱴᱨᱮᱥ ᱠᱟᱱᱟᱭ ᱾ "ᱢᱚᱞᱞᱤᱠᱟ-ᱤ-ᱜᱟᱡᱲᱞ" (ᱜᱚᱡᱚᱞ ᱨᱤᱱᱤᱡ ᱨᱟᱡᱟ) ᱧᱩᱛᱩᱢ ᱛᱮ, ᱩᱱᱤ ᱫᱚ ᱦᱤᱱᱫᱩᱥᱛᱟᱱᱤ ᱠᱞᱟᱥᱤᱠᱟᱞ ᱥᱮᱨᱮᱧ ᱨᱮᱱᱟᱜ ᱜᱟᱡᱟᱞ, ᱫᱟᱫᱽᱨᱟ ᱟᱨ ᱛᱷᱩᱢᱨᱤ ᱡᱚᱱᱚᱨ ᱨᱮᱱᱟᱜ ᱢᱤᱫ ᱢᱟᱨᱟᱝ ᱥᱮᱨᱮᱧᱤᱭᱟᱹ ᱞᱮᱠᱟᱛᱮ ᱠᱚ ᱢᱟᱱᱟᱣᱮᱭᱟ ᱾
᱑᱙᱗᱒ ᱥᱮᱨᱢᱟ ᱨᱮ ᱥᱮᱨᱮᱧ ᱥᱮᱨᱮᱧ ᱞᱟᱹᱜᱤᱫ ᱛᱮ ᱵᱤᱜᱚᱢ ᱚᱠᱷᱛᱚᱨ ᱫᱚ ᱥᱚᱝᱜᱤᱛ ᱱᱟᱴᱚᱠ ᱮᱠᱟᱰᱮᱢᱤ ᱥᱤᱨᱯᱷᱟᱹᱭ ᱧᱟᱢ ᱞᱮᱫ-ᱟ, ᱩᱱᱤ ᱫᱚ ᱯᱚᱫᱽᱢᱚ ᱥᱨᱤ ᱥᱤᱨᱯᱷᱟᱹᱭ ᱧᱟᱢ ᱞᱮᱫ-ᱟ ᱟᱨ ᱛᱟᱭᱚᱢ ᱛᱮ ᱥᱤᱧᱚᱛ ᱥᱚᱨᱠᱟᱨ ᱯᱚᱫᱽᱢᱚ ᱵᱷᱩᱥᱟᱱ ᱥᱤᱨᱯᱷᱟᱹᱭ ᱧᱟᱢ ᱞᱮᱫ-ᱟ ᱾[᱒]
ᱮᱛᱚᱦᱚᱵ ᱡᱤᱭᱚᱱ
ᱟᱠᱷᱛᱟᱨᱤ ᱵᱟᱭ ᱯᱷᱮᱭᱡᱟᱵᱟᱫᱤ ᱫᱚ ᱗ ᱚᱠᱴᱚᱵᱚᱨ ᱑᱙᱑᱔ ᱥᱟᱞᱮ ᱨᱮ ᱢᱤᱫ ᱚᱱᱚᱞᱤᱭᱟᱹ ᱟᱨ ᱟᱡᱟᱜ ᱫᱚᱥᱟᱨ ᱦᱚᱯᱚᱱ ᱢᱩᱥᱛᱟᱨᱤ ᱟᱥᱜᱚᱨ ᱦᱩᱥᱮᱱ ᱟᱜ ᱜᱤᱫᱽᱨᱟ. ᱞᱮᱠᱟᱛᱮ ᱡᱟᱱᱟᱢ ᱞᱮᱱᱟᱭ ᱾[᱓] ᱟᱥᱜᱚᱨ ᱦᱩᱥᱟᱭᱤᱱ ᱫᱚ ᱢᱩᱥᱛᱚᱨᱤ ᱟᱨ ᱟᱡᱟᱜ ᱵᱟᱨᱭᱟ ᱠᱩᱲᱤ ᱜᱤᱫᱽᱨᱟᱹ ᱡᱳᱦᱨᱟ ᱟᱨ ᱵᱤᱵᱽᱵᱤ (ᱟᱭᱚᱢ ᱛᱮ ᱵᱤᱜᱚᱢ ᱚᱠᱷᱛᱟᱨ ᱢᱮᱱᱛᱮ ᱵᱟᱰᱟᱭᱚᱜᱼᱟ) ᱮ ᱵᱚᱸᱜᱟ ᱛᱟᱞᱟᱭᱮᱫᱼᱟ ᱾[᱔][᱕]
ᱠᱮᱨᱤᱭᱚᱨ
ᱟᱠᱷᱛᱟᱨ ᱫᱚ ᱗ ᱵᱚᱪᱷᱚᱨ ᱩᱢᱮᱨ ᱨᱮᱜᱮ ᱪᱚᱱᱫᱽᱨᱚ ᱵᱚᱭᱤ ᱟᱜ ᱥᱮᱨᱮᱧ ᱨᱮᱭ ᱥᱮᱞᱮᱫ ᱞᱮᱱᱟ, ᱡᱟᱦᱟᱸᱭ ᱫᱚ ᱢᱤᱫ ᱴᱩᱨᱤᱝ ᱛᱷᱤᱭᱮᱴᱚᱨ ᱜᱽᱨᱩᱯ ᱨᱮᱱ ᱢᱤᱫᱴᱮᱱ ᱥᱮᱨᱮᱧᱤᱭᱟᱹ ᱠᱟᱱᱟᱭ ᱾ ᱢᱮᱱᱠᱷᱟᱱ ᱟᱡ ᱟᱭᱳᱣᱟᱜ ᱞᱟᱹᱭ ᱞᱮᱠᱟᱛᱮ ᱩᱱᱤ ᱫᱚ ᱯᱟᱴᱱᱟ ᱨᱮᱱ ᱢᱟᱨᱟᱝ ᱥᱟᱨᱟᱝᱜᱤ ᱯᱟᱥᱱᱟᱣᱤᱭᱟᱹ ᱩᱥᱛᱟᱫᱽ ᱤᱢᱫᱟᱫᱽ ᱠᱷᱟᱱ ᱟᱨ ᱛᱟᱭᱚᱢ ᱛᱮ ᱯᱟᱴᱤᱭᱟᱞᱟ ᱨᱮᱱ ᱟᱛᱟ ᱢᱚᱦᱚᱢᱚᱫᱽ ᱠᱷᱟᱱ ᱴᱷᱮᱱ ᱥᱮᱪᱮᱫ ᱞᱟᱹᱜᱤᱫ ᱛᱮᱭ ᱵᱚᱞᱚ ᱞᱮᱱᱟ ᱾ ᱛᱟᱭᱚᱢ ᱟᱡ ᱟᱭᱳ ᱥᱟᱶ ᱠᱟᱞᱠᱟᱛᱟ ᱨᱮ ᱥᱮᱱ ᱞᱮᱱᱟᱭ ᱟᱨ ᱢᱚᱦᱚᱢᱢᱚᱫᱽ ᱠᱷᱟᱱ, ᱟᱵᱽᱫᱩᱞ ᱣᱚᱦᱤᱫᱽ ᱠᱷᱟᱱ ᱞᱮᱠᱟᱱ ᱠᱞᱟᱥᱤᱠᱟᱞ ᱥᱮᱨᱮᱧ ᱠᱚᱭ ᱥᱮᱪᱮᱫ ᱞᱮᱫ-ᱟ ᱾ ᱚᱱᱟ ᱛᱟᱭᱚᱢ ᱩᱱᱤ ᱫᱚ ᱩᱥᱛᱟᱫᱽ ᱡᱷᱟᱸᱰᱮ ᱠᱷᱟᱱ ᱟᱜ ᱪᱮᱪᱮᱫᱤᱭᱟ.
᱑᱕ ᱥᱮᱨᱢᱟ ᱩᱢᱮᱨ ᱨᱮ ᱟᱡᱟᱜ ᱯᱩᱭᱞᱩ ᱥᱚᱨᱮᱥ ᱮᱱᱮᱡ ᱮ ᱮᱛᱦᱚᱵ ᱞᱮᱫ-ᱟ ᱾ ᱑᱙᱓᱔ ᱥᱮᱨᱢᱟ ᱨᱮ ᱱᱮᱯᱟᱞ ᱵᱤᱦᱟᱨ ᱨᱮ ᱦᱩᱭ ᱟᱠᱟᱱ ᱫᱷᱟᱹᱨᱛᱤ ᱞᱟᱹᱲᱦᱟᱹᱭ ᱨᱮ ᱜᱚᱲᱚ ᱥᱚᱦᱚᱫ ᱞᱟᱹᱜᱤᱫ ᱛᱮ ᱦᱩᱭ ᱟᱠᱟᱱ ᱢᱤᱫ ᱠᱚᱱᱥᱮᱨᱴ ᱨᱮ ᱧᱩᱛᱩᱢᱟᱱ ᱚᱱᱚᱬᱦᱤᱭᱟ ᱥᱚᱨᱳᱡᱤᱱᱤ ᱱᱟᱭᱰᱩ ᱫᱚ ᱟᱡᱟᱜ ᱥᱮᱨᱮᱧ ᱨᱮᱱᱟᱜ ᱥᱟᱨᱦᱟᱣ ᱠᱮᱫᱟ ᱾ ᱱᱩᱭ ᱫᱚ ᱦᱩᱞᱥᱟᱹᱭ ᱥᱟᱶᱛᱮ ᱜᱟᱡᱚᱞ ᱥᱮᱨᱮᱧ ᱫᱚᱦᱚᱭ ᱞᱟᱹᱜᱤᱫ ᱮ ᱠᱩᱨᱩᱢᱩᱴᱩ ᱞᱮᱫᱼᱟ ᱾ ᱩᱱ ᱚᱠᱛᱚ ᱨᱮ ᱩᱱᱤ ᱫᱚ ᱢᱮᱜᱟᱯᱷᱚᱱ ᱨᱮᱠᱚᱨᱰ ᱠᱚᱢᱯᱟᱱᱤ ᱞᱟᱹᱜᱤᱫ ᱟᱡᱟᱜ ᱯᱩᱭᱞᱩ ᱰᱤᱥᱠ ᱮ ᱵᱮᱱᱟᱣ ᱞᱮᱫ-ᱟ ᱾ ᱟᱭᱢᱟ ᱜᱟᱱ ᱜᱽᱨᱟᱢᱯᱷᱳᱱ ᱨᱮᱠᱚᱨᱰ ᱠᱚ ᱵᱮᱵᱦᱟᱨ ᱟᱠᱟᱱᱟ ᱡᱟᱦᱟᱸ ᱨᱮ ᱟᱡᱟᱜ ᱜᱟᱡᱚᱞ, ᱫᱟᱫᱽᱨᱟ, ᱛᱷᱩᱢᱨᱤ ᱮᱢᱟᱱ ᱠᱚ ᱢᱮᱱᱟᱜᱼᱟ ᱾ ᱩᱱᱤ ᱫᱚ ᱯᱩᱭᱞᱩ ᱠᱩᱲᱤ ᱥᱮᱨᱮᱧᱤᱭᱟᱹ ᱠᱚ ᱢᱩᱫᱽ ᱨᱮ ᱢᱤᱫᱴᱟᱹᱝ ᱠᱟᱱᱟᱭ ᱡᱟᱦᱟᱸᱭ ᱫᱚ ᱥᱚᱨᱮᱥ ᱥᱮᱨᱮᱧ ᱮ ᱥᱮᱨᱮᱧ ᱞᱮᱫ-ᱟ ᱾ ᱟᱨ ᱢᱮᱦᱯᱤᱞ ᱟᱨ ᱵᱟᱝ ᱯᱨᱟᱭᱵᱷᱮᱴ ᱜᱟᱶᱛᱟ ᱨᱮ ᱥᱮᱨᱮᱧ ᱠᱷᱚᱱ ᱵᱷᱮᱜᱟᱨ ᱮᱱᱟᱭ ᱾ ᱚᱠᱛᱚ ᱛᱟᱭᱚᱢ ᱛᱮ ᱩᱱᱤ ᱫᱚ ᱢᱚᱞᱞᱤᱠᱟ-ᱮ-ᱜᱚᱡᱚᱞ (ᱜᱚᱡᱚᱞ ᱨᱤᱱᱤᱡ ᱨᱟᱡᱟ) ᱧᱩᱛᱩᱢ ᱛᱮ ᱵᱟᱰᱟᱭᱚᱜ ᱮᱱᱟᱭ ᱾
ᱜᱩᱨ
᱑᱙᱗᱔ ᱥᱟᱞᱮ ᱨᱮ ᱛᱤᱨᱩᱵᱚᱱᱚᱱᱚᱱᱛᱯᱩᱨᱚᱢ ᱥᱩᱨ ᱵᱚᱞᱟᱨᱟᱢᱯᱩᱨᱚᱢ ᱨᱮ ᱟᱡᱟᱜ ᱯᱩᱪᱷᱤᱢ ᱠᱚᱱᱥᱚᱨᱴ ᱨᱮ ᱟᱡᱟᱜ ᱥᱮᱨᱮᱧ ᱫᱚ ᱟᱡᱟᱜ ᱩᱭᱦᱟᱹᱨ ᱞᱮᱠᱟᱛᱮ ᱵᱟᱝ ᱛᱟᱦᱮᱸ ᱠᱟᱱᱟ ᱢᱮᱱᱛᱮ ᱟᱡᱟᱜ ᱟᱲᱟᱝ ᱪᱮᱛᱟᱱ ᱨᱮ ᱵᱷᱮᱡᱟ ᱠᱮᱫᱼᱟ ᱾ ᱱᱤᱡᱮᱨᱟᱜ ᱡᱟᱦᱟᱸ ᱟᱹᱭᱫᱟᱹᱨᱤ ᱨᱮᱭ ᱛᱟᱦᱮᱸ ᱠᱟᱱᱟ ᱚᱱᱟ ᱠᱷᱟᱹᱛᱤᱨ ᱩᱱᱤ ᱫᱚ ᱥᱮᱨᱮᱧ ᱜᱚᱫ ᱮᱱᱟ ᱟᱨ ᱩᱱᱤ ᱫᱚ ᱦᱟᱥᱯᱟᱛᱟᱞ ᱨᱮᱭ ᱦᱮᱡ ᱮᱱᱟ ᱾
ᱩᱱᱤ ᱫᱚ ᱒᱐ ᱚᱠᱴᱚᱵᱚᱨ ᱑᱙᱗᱔ ᱥᱟᱞᱮ ᱨᱮ ᱟᱡᱤᱡ ᱜᱚᱲᱚᱢ ᱦᱟᱲᱟᱢ ᱜᱟᱢᱟᱰᱤᱭᱟ ᱟᱜ ᱜᱚᱲᱚᱢ ᱦᱟᱲᱟᱢ ᱨᱮᱭ ᱜᱚᱡ ᱮᱱᱟ, ᱡᱟᱦᱟᱸᱭ ᱫᱚ ᱩᱱᱤ ᱟᱦᱢᱚᱫᱟᱵᱟᱫᱽ ᱨᱮ ᱟᱡᱟᱜ ᱢᱩᱪᱟᱹᱫ ᱮᱱᱮᱡ ᱮ ᱮᱢ ᱞᱮᱫ ᱛᱟᱦᱮᱸᱫ ᱾
ᱥᱟᱹᱠᱷᱭᱟᱹᱛ
- ↑ Dadra Thumri in Historical and Stylistic Perspectives, by Peter Lamarche Manuel, Peter Manuel. Published by Motilal Banarsidass Publ., 1989. ISBN 81-208-0673-5. Page 157.
- ↑ "Begum Akhtar birth anniversary: The queen of ghazal who enthralled millions with her silken voice, see playlist". Hindustan Times (newspaper). 7 October 2019. Retrieved 1 October 2020.
- ↑ "Uttar Pradesh Government approved new guidelines for Begum Akhtar Award". Jagranjosh.com. 12 August 2015. Retrieved 1 October 2020.
- ↑ Priya Ramani (7 November 2008). "What a life – (Begum Akhtar's real life was much wilder than fiction)". Mint (newspaper). Retrieved 30 September 2020.
- ↑ Shreya Ila Anasuya (5 October 2019). "Memories of Akhtari". Mint (newspaper). Retrieved 30 September 2020.