ᱥᱤᱢᱨᱟᱱ (ᱮᱠᱴᱨᱮᱥ)
ᱨᱤᱥᱤᱵᱟᱞᱟ ᱱᱟᱵᱟᱞ (ᱡᱟᱱᱟᱢ ᱔ ᱮᱯᱨᱤᱞ ᱑᱙᱗᱖), ᱯᱨᱚᱯᱷᱮᱥᱱᱟᱞᱤ ᱥᱤᱢᱨᱟᱱ ᱧᱩᱛᱩᱢ ᱛᱮ ᱵᱟᱰᱟᱭᱚᱜᱼᱟ, ᱢᱤᱫ ᱵᱷᱟᱨᱚᱛᱤᱭᱚ ᱮᱠᱴᱨᱮᱥ, ᱯᱨᱚᱰᱭᱩᱥᱚᱨ, ᱠᱚᱨᱤᱭᱳᱜᱽᱨᱟᱯᱷᱚᱨ ᱟᱨ ᱯᱞᱮᱵᱮᱠ ᱥᱤᱝᱜᱚᱨ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱡᱟᱹᱥᱛᱤ ᱛᱮ ᱛᱟᱢᱤᱞ ᱯᱟᱹᱨᱥᱤ ᱨᱮᱱᱟᱜ ᱯᱷᱤᱞᱢ ᱨᱮ ᱠᱟᱹᱢᱤᱭᱟᱭ ᱟᱨ ᱚᱱᱟ ᱥᱟᱶᱛᱮ ᱛᱮᱞᱩᱜᱩ, ᱦᱤᱱᱫᱤ, ᱠᱟᱱᱱᱟᱰᱟ ᱟᱨ ᱢᱟᱞᱟᱭᱟᱞᱟᱢ ᱯᱷᱤᱞᱢ ᱨᱮ ᱦᱚᱸ ᱧᱮᱞᱚᱜᱼᱟᱭ᱾ ᱛᱟᱢᱤᱞ ᱥᱤᱱᱮᱢᱟ ᱨᱮᱱ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱵᱮᱥ ᱠᱟᱹᱢᱤ ᱦᱚᱲ ᱞᱮᱠᱟᱛᱮ ᱩᱯᱨᱩᱢ ᱠᱟᱛᱮ, ᱥᱤᱢᱨᱟᱱ ᱫᱚ ᱟᱭᱢᱟ ᱥᱟᱨᱦᱟᱣ ᱨᱮᱱ ᱧᱟᱢᱤᱡ ᱠᱟᱱᱟᱭ, ᱡᱟᱦᱟᱸ ᱨᱮ ᱯᱮᱭᱟ ᱯᱷᱤᱞᱢᱯᱷᱮᱭᱟᱨ ᱟᱣᱟᱨᱰ ᱥᱟᱣᱛᱷ ᱟᱨ ᱢᱤᱫ ᱛᱟᱢᱤᱞ ᱱᱟᱰᱩ ᱥᱴᱮᱴ ᱯᱷᱤᱞᱢ ᱟᱣᱟᱨᱰ ᱦᱚᱸ ᱥᱮᱞᱮᱫ ᱢᱮᱱᱟᱜᱼᱟ᱾
ᱥᱤᱢᱨᱟᱱ ᱫᱚ ᱑᱙᱙᱗ ᱨᱮ ᱛᱟᱢᱤᱞ ᱯᱷᱤᱞᱢ ᱨᱮ ᱰᱮᱵᱩᱴ ᱠᱮᱫᱟ, ᱵᱟᱨᱭᱟ ᱥᱟᱠᱥᱮᱥ ᱯᱷᱤᱞᱢ ᱳᱱᱥ ᱢᱳᱨ ᱟᱨ ᱵᱷᱤ.ᱟᱭᱤ.ᱯᱤ ᱥᱟᱶᱛᱮ, ᱡᱟᱦᱟᱸ ᱨᱮ ᱩᱱᱤ ᱫᱚ ᱯᱷᱤᱞᱢᱯᱷᱮᱭᱟᱨ ᱟᱣᱟᱨᱰ ᱯᱷᱚᱨ ᱵᱮᱥᱴ ᱯᱷᱤᱢᱮᱞ ᱰᱮᱵᱩᱴ – ᱥᱟᱣᱛᱷ ᱮ ᱧᱟᱢ ᱠᱮᱫᱟ᱾ ᱩᱱᱤ ᱫᱚ ᱠᱟᱱᱱᱟᱛᱷᱤᱞ ᱢᱩᱛᱷᱟᱢᱤᱛᱟᱞ (᱒᱐᱐᱒) ᱞᱟᱹᱜᱤᱫ ᱯᱷᱤᱞᱢᱯᱷᱮᱭᱟᱨ ᱟᱣᱟᱨᱰ ᱯᱷᱚᱨ ᱵᱮᱥᱴ ᱮᱠᱴᱨᱮᱥ – ᱛᱟᱢᱤᱞ ᱟᱨ ᱵᱟᱨᱱᱟᱢ ᱟᱭᱤᱨᱟᱢ (᱒᱐᱐᱘) ᱞᱟᱹᱜᱤᱫ ᱵᱮᱥᱴ ᱥᱚᱯᱚᱨᱴᱤᱝ ᱮᱠᱴᱨᱮᱥ – ᱛᱟᱢᱤᱞ ᱮ ᱡᱤᱛᱠᱟᱹᱨ ᱠᱮᱫᱟ, ᱱᱚᱣᱟ ᱵᱟᱨᱭᱟ ᱜᱮ ᱢᱟᱨᱟᱝ ᱠᱚᱢᱚᱨᱥᱤᱭᱟᱞ ᱥᱟᱠᱥᱮᱥ ᱛᱟᱦᱮᱸ ᱠᱟᱱᱟ᱾ ᱢᱤᱫ ᱠᱮᱨᱤᱭᱟᱨ ᱦᱤᱭᱮᱴᱟᱥ ᱛᱟᱭᱚᱢ, ᱥᱤᱢᱨᱟᱱ ᱒᱐᱑᱔ ᱨᱮ ᱥᱠᱨᱤᱱ ᱨᱮ ᱨᱩᱣᱟᱹᱲ ᱦᱮᱡ ᱮᱱᱟ᱾ ᱟᱡᱟᱜ ᱨᱩᱣᱟᱹᱲ ᱦᱮᱡ ᱛᱟᱭᱚᱢ, ᱩᱱᱤ ᱫᱚ ᱯᱮᱴᱴᱟ (᱒᱐᱑᱙), ᱨᱚᱠᱮᱴᱨᱤ: ᱫᱟ ᱱᱟᱢᱵᱤ ᱤᱯᱷᱮᱠᱴ (᱒᱐᱒᱒) ᱟᱨ ᱜᱩᱞᱢᱳᱦᱟᱨ (᱒᱐᱒᱓) ᱨᱮ ᱧᱮᱞ ᱟᱠᱟᱱᱟᱭ, ᱱᱚᱣᱟ ᱡᱚᱛᱚ ᱜᱮ ᱠᱚᱢᱚᱨᱥᱤᱭᱟᱞ ᱟᱨ ᱠᱨᱤᱴᱤᱠᱟᱞ ᱵᱟᱱᱟᱨ ᱥᱮᱫ ᱠᱷᱚᱱ ᱱᱟᱯᱟᱭ ᱠᱟᱹᱢᱤ ᱠᱮᱫᱟ᱾
ᱥᱤᱢᱨᱟᱱ ᱫᱚ ᱟᱭᱢᱟ ᱵᱨᱟᱱᱰ ᱞᱟᱹᱜᱤᱫ ᱢᱤᱫ ᱥᱮᱞᱤᱵᱽᱨᱤᱴᱤ ᱮᱱᱰᱚᱨᱥᱚᱨ ᱠᱟᱱᱟᱭ ᱟᱨ ᱩᱱᱤ ᱫᱚ ᱯᱨᱚᱰᱭᱩᱥᱚᱨ ᱫᱤᱯᱚᱠ ᱵᱟᱜᱽᱜᱟ ᱥᱟᱶ ᱮ ᱵᱟᱯᱞᱟ ᱟᱠᱟᱱᱟ, ᱡᱟᱦᱟᱸᱭ ᱥᱟᱶ ᱩᱱᱤ ᱨᱮᱱ ᱵᱟᱨᱭᱟ ᱜᱤᱫᱽᱨᱟᱹ ᱢᱮᱱᱟᱜ ᱠᱤᱱᱟ᱾
ᱡᱤᱭᱚᱱ ᱟᱨ ᱜᱷᱟᱨᱚᱸᱡᱽ
ᱥᱤᱢᱨᱟᱱ ᱫᱚ ᱔ ᱮᱯᱨᱤᱞ ᱑᱙᱗᱖ ᱨᱮ ᱨᱤᱥᱤᱵᱟᱞᱟ ᱱᱟᱵᱟᱞ ᱧᱩᱛᱩᱢ ᱛᱮ ᱢᱩᱢᱵᱟᱭ ᱨᱮ ᱯᱟᱧᱡᱟᱵᱤ ᱟᱭᱳ ᱵᱟᱵᱟ ᱴᱷᱮᱱ ᱡᱟᱱᱟᱢ ᱞᱮᱱᱟ᱾ ᱥᱤᱢᱨᱟᱱ ᱨᱮᱱ ᱵᱟᱨᱭᱟ ᱠᱟᱹᱴᱤᱡ ᱵᱚᱭᱦᱟ ᱢᱮᱱᱟᱜ ᱠᱤᱱᱟ, ᱢᱟᱲᱟᱝ ᱯᱷᱤᱞᱢ ᱮᱠᱴᱨᱮᱥ ᱢᱳᱱᱟᱞ ᱟᱨ ᱡᱭᱳᱛᱷᱤ ᱟᱱᱟᱸᱫᱽ, ᱟᱨ ᱢᱤᱫ ᱠᱟᱹᱴᱤᱡ ᱵᱚᱭᱦᱟ, ᱥᱩᱢᱤᱛ ᱱᱟᱵᱟᱞ᱾ ᱩᱱᱤ ᱫᱚ ᱥᱮᱱᱴ ᱮᱱᱛᱷᱳᱱᱤᱥ ᱦᱟᱭ ᱥᱠᱩᱞ, ᱵᱷᱟᱨᱥᱳᱵᱷᱟ, ᱢᱩᱢᱵᱟᱭ ᱨᱮ ᱥᱮᱪᱮᱫ ᱮ ᱦᱟᱛᱟᱣ ᱞᱮᱫᱟ᱾
ᱥᱤᱢᱨᱟᱱ ᱒ ᱰᱤᱥᱮᱢᱵᱚᱨ ᱒᱐᱐᱓ ᱨᱮ ᱟᱡ ᱨᱮᱱ ᱜᱤᱫᱽᱨᱟᱹ ᱚᱠᱛᱚ ᱨᱮᱱ ᱜᱟᱛᱮ ᱯᱨᱚᱰᱭᱩᱥᱚᱨ ᱫᱤᱯᱚᱠ ᱵᱟᱜᱽᱜᱟ ᱥᱟᱶ ᱮ ᱵᱟᱯᱞᱟ ᱮᱱᱟ᱾ ᱱᱚᱣᱟ ᱡᱩᱨᱤ ᱨᱮᱱ ᱵᱟᱨᱭᱟ ᱠᱚᱲᱟ ᱜᱤᱫᱽᱨᱟᱹ ᱢᱮᱱᱟᱜ ᱠᱤᱱᱟ᱾