La fisioluggìa è la disciplina biològgica chi studia lu funziunamentu di l'organismi viventi. È na scienza ntigrata chi utilizza principî chìmicu-fìsici pi capiri lu funziunamentu dî viventi essennu viggitali o armali, monu o pluricellulari. L'etimoluggìa dâ parola diriva dî paroli grechi "φύσις" e "λόγος" chi si traduùcinu comu "discursu supra li finòmini naturali".
Arcuni vranchi dâ fisioluggìa
Fisioluggìa armali: studia li finòmini e li miccanismi assuciati ê funzioni di l'armali.
Fisioluggìa applicata: studia la capacitati umana di ntiràggiri cu l'ambienti sternu.
Fisioluggìa cumparata: studia li sumigghianzi e li diffirenzi dî diversi speci armali.
Fisioluggìa patològgica: studia li canciamenti dî funzioni 'n siquitu a na patoluggìa.
Fisioluggìa umana: studia li finòmini e li miccanismi assuciati ê funzioni di l'èssiri umani.
Fisioluggìa cellulari: studia li miccanismi assuciati ô funziunamentu dî cèlluli e li soi ntirazzioni cu l'ambienti.
Fisioluggìa dû sviluppu: studia li miccanismi e li fasi chi cunnùcinu un organismu â maturitati ripruduttiva.
Fisioluggìa viggitali: studia li finòmini e li miccanismi assuciati ê funzioni dî viggitali.
