Pantiddirìa (ìsula)

Pantiddirìa (o Pantiddarìa) è n'ìsula dû mari Meditirraniu chi s'attrova a 85 chilòmitri dâ Sicilia e a 70 dâ costa tunisina, ntô canali di Sicilia. Fa parti di la riggiuni Sicilia.

Anticamenti lu nomu latinu di l'ìsula era Cossyra. Lu nomu attuali putissi dirivari di l'àrabbu "bent al-riah" (figghia di lu ventu).

Lu tirritoriu è d'orìggini vurcànica. Sunnu prisenti finòmini di vurcanismu secunnariu, privalintimenti acqua càuda e fumaroli. Lu puntu cchiù àutu di l'ìsula s'attrova in capu â Muntagna Granni, a 836 metri.

Lu turismu è una di l'attivitati chiù sviluppata nta l'ìsula. Mpurtanti puru la produzzioni di qualitati di vinu canusciuti cu lu nomu di Passitu di Pantiddirìa o di zibbibbu. Assai apprizzati sunnu li càppiri salati di Pantiddiria.