Vucca (anatumìa)

La vucca è na cavitati ca nta l’òmini e nta l'armali custituìsci la prima parti di l’apparatu diggirenti, nta li virtibbrati culligata midemma cu l’apparatu rispiratoriu, nta l’òmini posta nta la parti 'nfiriuri di lu visu, midemma òrganu di la funazzioni, ca cumprenni labbra, denti, palataru e lingua.

Ntâ littiratura siciliana

Di Lingua e dialettu di Gnazziu Buttitta:

Un populu mittitilu a catina

Spugghiatilu

Attupatici a vucca,

È ancora libiru.

Pruverbi

• La vuccuzza e'comu n'aneddu, si mancia turri, palazzu e casteddi. (Puru siddu na vucca è nica, havi na capacitati di distrùdiri tutti sti granni, forti fàbbrichi.)^[1]

Rifirimenti

1. ↑ * Pitrè, Giuseppe Biblioteca delle tradizioni popolari siciliani (1871-1913)