Elektrokardiográmma
![](http://upload.wikimedia.org/wikipedia/commons/thumb/0/0b/ECG_Principle_fast.gif/300px-ECG_Principle_fast.gif)
Elektrokardiográmma[1] (oaniduvvo EKG) lea diagrámma mainna oažžu čielgasa mo váibmu doaibmá. Vuos bidjá elektrodaid ratti ala mat dasto báddejit váimmu elektralaš doaimma. EKG lea hui dábálaš dutkamuš, mainna fuobmá muhtun váibmo- ja varrasuotnadávddaid. Dat gávdno buohcciviesus, dearvvašvuođaguovddážis ja ambulánssas. EKG bohtosa oaidná juogu dihtoršearpmas dahje báhpáris.
Dábálaš EKG
![](http://upload.wikimedia.org/wikipedia/commons/thumb/2/24/ECG-P%2BQRSkomplex%2BT.svg/360px-ECG-P%2BQRSkomplex%2BT.svg.png)
EKG lea diagrámma mas y-áksil lea gealdu ja x-áksil lea áigi.
Dábálaš EKG álgá P-báruin. Maŋŋelaš boahtá QRS-kompleaksa ja loahpas T-bárru. Muhtumin oidno maiddái U-bárru. Dát bárut ja kompleaksat govvidit mo váimmu feaskárat ja gámmirat doibmet. P-bárru govvida feaskáriid aktiverema (depolariserema). Aktiveren máksá ahte váibmodeahkit oatnánit. Go feaskkir aktivere, de dat gurregoahtá vara gámmirii. Dan botta go dát guorraneapmi dáhpáhuvvá de EKG:s lea oanehis gaska mii lea njuolgat ja jaskat. QPR-kompleaksa govvida gámmiriid aktiverema. QPR-kompleakssa maŋŋá čuovvu fas oanehis boddu. Loahpas boahtá T-bárru, mii boahtá das go gámmirat repolariserejit.
Gáldut
- ↑ Sámi Giellagáldu, Expression:EKG, https://satni.uit.no/termwiki/index.php?title=Expression:EKG čujuhuvvon 2020-01-06