သီႇပေႃႉ၊ ၸႄႈဝဵင်း
ၸႄႈဝဵင်းသီႇပေႃႉ | |
|---|---|
 | |
  ၸႄႈဝဵင်းသီႇပေႃႉ Location in Myanmar | |
| ၵူဝ်ႇဢေႃးတိၼဵတ်ႉ- 22°37′N 97°17′E / 22.617°N 97.283°E | |
| မိူင်း |  မိူင်းမျၢၼ်ႇမႃႇ |
| ၸႄႈမိူင်း |  မိူင်းတႆး |
| ၸႄႈတွၼ်ႈ | ၸႄႈတွၼ်ႈ ၵျွၵ်ႉမႄး |
| ၸႄႈဝဵင်း | ၸႄႈဝဵင်း သီႇပေႃႉ |
| တၢင်းသုင် | 2,661 ထတ်း (811 မီႇတႃႇ) |
| Population (2005) | |
| • ၽႃႇသႃႇၵိူဝ်းယမ် | ပုတ်ႉထၽႃႇသႃႇ |
| ပွတ်းတွၼ်ႈၶၢဝ်းယၢမ်း | UTC+6.30 (MST) |
| မၢႆသူင်ႇလိၵ်ႈ | 06341 |
ၸႄႈဝဵင်းသီႇပေႃႉ (IPA: [sʰì pɔ᷇]), (မၢၼ်ႈ: သီပေါမြို့နယ်), (ဢိင်းၵလဵတ်ႈ: Hsipaw Township), (သဵင်ဢွၵ်ႇ [Zewaeng Sipau]) ၼႆႉပဵၼ်ႄၸႄႈဝဵင်းဢၼ်မီးၼႂ်း ၸႄႈတွၼ်ႈၵျွၵ်းမႄး၊ ၸႄႈမိူင်းတႆး၊ မိူင်းမျၢၼ်ႇမႃႇသေ တီႈပၵ်းလုမ်း၊ ၸႄႈဝဵင်းတႄႉ ပဵၼ်တီႈ ဝဵင်းသီႇပေႃႉယဝ်ႉ။[1]
ဝဵင်းသီႇပေႃႉၼႆႉ မိူဝ်ႈပၢၼ်ၸဝ်ႈၾၶဝ် ပႆႇၸုၼ်ႉဢႃႇၼႃႇၼၼ်ႉ ပဵၼ်ဝဵင်းဢၼ်ၸဝ်ႈၾၶဝ် တင်ႈလုမ်းဝႆႉယဝ်ႉ။ ဝၢႆးၸဝ်ႈၾၶဝ် ၸုၼ်ႉဢႃႇၼႃႇယဝ်ႉတႄႉ ဝဵင်းသီႇပေႃႉၼႆႉ ၶဝ်ႈပဵၼ်မႃး ဝဵင်းဢၼ်ၼႄႇပႅင်ႇဢုပ်ႉသေ ပဵၼ်တီႈပၵ်းလုမ်း ၼႄႇပႅင်ႇမႃးယဝ်ႉ။ မိူဝ်ႈၵူႈပွၵ်ႈ ပၢၼ်ၸဝ်ႈႁေႃၶမ်းမၢၼ်ႈၼၼ်ႉတႄႉ ၸဝ်ႈၾသီႇပေႃႉ တင်ႈဝဵင်းၸဝ်ႈၾ တမ်ႈတီႈ ဢုင်းပွင်ႇယဝ်ႉ။ ၵူၺ်းၵႃႈ တမ်ႈတီႈဢုင်းပွင်ႇၼႆႉ ယွၼ်ႉပိူဝ်ႈ ၼႃႈဝၢၼ်ႈတႃမိူင်း ဢမ်ႇပေႃးသၢင်ႇထုၵ်ႇလႄႈ ဝၢႆးၼၼ်ႉ ၸင်ႇၶၢႆႉမႃး တမ်ႈတီႈ သီႇပေႃႉယၢမ်းလဵဝ်ၼႆႉယဝ်ႉ။ ၽွင်းမိူဝ်ႈ မႃးတီႇမႃးၸွၼ်ႉ ဢွင်ႈတီႈ တႃႇတေ ပၵ်းႁေႃသေ မိူဝ်ႈမႃး ၶုတ်းလိၼ်ၼၼ်ႉ သမ်ႉၶုတ်းၺႃးသႅင်၊ ၸင်ႇဢွၼ်ၵၼ်ဝႃႈ သႅင်ပေႃႇ ၼႆယဝ်ႉ။ လုၵ်ႉတီႈ ၶေႃႈၵႂၢမ်း ဢၼ်ဝႃႈ "သႅင်ပေႃႉ" ၼၼ်ႉသေ ဝၢႆးမႃ: ဝေႃးႁႃႇရ လႅၵ်ႈလၢႆႈလႄႈ ၸင်ႇပဵၼ်မႃး "သီႇပေႃႉ" ၼႆယဝ်ႉ။ [2] လုင်းၵျေႃႇၸေႃး (သီႇပေႃႉ)လႄႈ ၵူၼ်းသီႇပေႃႉ ၵမ်ႈၽွင်ႈတႄ့ သမ်ႉဝႃႈ ယွၼ်ႉပိူဝ်ႈ ဝဵင်းဢၼ်မႃးတင်ႈၼႆႉ သမ်ႉမီးၼမ်ႉပေႃႉ၊ ၼမ်ႉပေႃႉၼၼ်ႉ သမ်ႉမႃးလႆၶဝ်ႈ ၼမ်ႉတူႈ ႁိမ်းဝဵင်းဢၼ်တင်ႈမႂ်ႇလႄႈ ၸင်ႇႁွင်ႉဝႃႈ "သူပ်းပေႃႉ"၊ လုၵ်ႉတီႈ သူပ်းပေႃႉသေ ဝၢႆးၼၼ်ႉ ၸင်ႇလႅၵ်ႈလၢႆႈ ပဵၼ်မႃး "သီႇပေႃႉ" ၼႆယဝ်ႉ။ [3] မၢင်ၸိူဝ်းၵေႃႈ သမ်ႉဝႃႈ မိူဝ်ႈမႃးတင်ႈဝဵင်းၼၼ်ႉ ယွၼ်ႉပိူဝ်ႈ မီးသီႇပွၵ်ႉလႄႈ ႁွင်ႉဝႃႈ "ဝဵင်းသီႇပွၵ်ႉ"၊ ဝၢႆးၼႆႉ ၸင်ႇၶိုၼ်းလႅၵ်ႈလၢႆႈႁွင်ႉမႃႈဝႃႈ "သီႇပေႃႉ"၊ ဝဵင်းသီႇပေႃႉၼႆႉ မီးဝႆႉၼိူဝ် သဵၼ်ႈတၢင်းၵႃး ဝဵင်းလိူဝ်ႇလႄႈ လႃႈသဵဝ်ႈ။ ဝဵင်းသီႇပေႃႉၼႆႉ မီးဝႆႉ တမ်ႈတီႈ ႁိမ်းၽင်ႇၼမ်ႉတူႈသေ သုင်သေ ၼမ်ႉပၢင်ႇလၢႆႇ 1750 ထတ်း၊ တၢင်းၵႂၢင်ႈ ဢေႇရိယႃႇဝဵင်းမီး 104359 ဢေႇၵ၊ လင်ႁိူၼ်းမီး 1446 လင်၊ ပွၵ်ႉတႄႉပဵၼ် (1) ပွၵ်ႉမၢၼ်ႈၸၢတ်ႈ (2) ပွၵ်ႈတူၵ်း (3) ပွၵ်ႉၸၢၼ်း (4) ပွၵ်ႉၸၢင်ႈၶမ်းၸၢၼ်း (5) ပွၵ်ႉၸၢင်ႈၶမ်းႁွင်ႇ (6) ပွၵ်ႉၵၢတ်ႇ (7) ပွၵ်ႉၵၢင်ဝဵင်း (8) ပွၵ်ႉႁွင်ႉ (9) ပွၵ်ႉပူႇတႃႉ (ပွၵ်ႉၸၢတ်ႈၸု) သေ မီးၵဝ်ႈပွၵ်ႉ။
ဝဵင်းဢၼ်ပႃးၼႂ်း ၸႄႈဝဵင်း သီႇပေႃႉ
ၽိုၼ်ဢိင်
- ↑ "ခရိုင်မြေပုံ - ရှမ်းပြည်နယ် (မြောက်ပိုင်း)" (PDF). မြန်မာသတင်းအချက်အလက် စီမံခန့်ခွဲမှုယူနစ်. စက်တင်ဘာ ၂၀၁၆. Archived from the original (PDF) on 2017-03-17. Retrieved ၁၇ မတ် ၂၀၁၇.
{cite web}: Check date values in:|accessdate=and|date=(help) "Archive copy" (PDF). Archived from the original (PDF) on 2017-03-17. Retrieved 2017-12-17.{cite web}: CS1 maint: archived copy as title (link) - ↑ မြန်မာ့စွယ်စုံကျမ်း၊ အတွဲ(၁၃)
- ↑ ၶေႃႈလၢတ်ႈ လုင်းၵျေႃႇၸေႃး ၼႂ်းၶႅပ်းၵႅတ်ႉသႅတ်ႉ၊ ပီ 1992
