Aanaar markkân

Aanaar markkân
Aanaar markkân kuávdáš
Aanaar markkân
Koordinaateh: 68°54′20″N, 27°01′40″E
Staatâ	Suomâ
Eennâmkodde	Lappi
Kieldâ	Aanaar
Postânummeer	99870
Äigi	UTC+2

Aanaar markkân teikâ Aanaar (nuorttâlâškielân Aanar, orjâlâškielân Anár já suomâkielân Inari) lii sijdâ Aanaar kieldâst Aanaarjäävri riddoost.

Anarist láá kavnum arkeologâlâš amnâstuvah, moh čäittih, ete Anarist ääsih ulmuuh jo maŋgâ tuhháát ihheed tassaaš.

Puárásumos vala ton algâalgâlâš saajeest čuážžoo rakânâs Anarist lii Piälppáájäävri meccikirkko.

Aanaar markkân lii Suomâ sämikulttuur kuávdáš, já tobbeen kávnojeh ovdâmerkkân Säämimuseo Siida já Paje-Laapi luándukuávdáš, moh fäälih máhđulâšvuođâ uápásmuđ Säämi luándoin já kulttuuráin, já Säämi máttááttâskuávdáš, kost puáhtá máttááttâllâđ anarâškielâ já eres-uv sämikielâid.

• Säämi kulttuurkuávdáš Sajos
• 
• 

Aanaar markkânist láá motomeh šiev käävpih, tegu Inarin hopea, Lahjatalo Näkkäläjärvi Oy já Sámi Duodji ry.

Anarist uárnejuvvojeh jyehi porgemáánu algâaalmugij muusiktábáhtus Ijâttes Ijjâ (orjâlâškielân Ijahis Idja)^[1] já jyehi uđđâivemáánu Skammâkoveh-elleekovefestivaal (orjâlâškielân Skábmagovat).^[2]

• Wikimedia Commonsist láá koveh teikkâ eres tiätuvuárháh fáádást Aanaar markkân.