Frank Capra

Frank Capra 1930-lovvoost

Francesco Rosario ”Frank” Capra (18. vyesimáánu 1897 Bisacquino, Sisilia, Italia – 3. čohčâmáánu 1991 La Quinta, Kalifornia, Ovtâstum staatah) lâi italialâš-ameriklâš stivrejeijee, čällee já pyevtitteijee.

Eellim

Frank Capra šoodâi vyesimáánust 1897 Bisacquinost, Sisiliast, Italiast. Sun lâi ohtâ katolilâš perruu čiččâm päärnist.[1] Ive 1903 Capra peerâ vuolgij Amerikân tamppáin já läddejii New Yorkân. Tobbeen mätki jotkui junáin Kalifornian, kost Capra stuorrâviljâ jo aasâi.

Kaliforniast Capra algâttij škoovlâ čohčuv 1903 já jođeškuođij Los Angeles' Manual Arts High School ive 1909. Capra peerâ irâttij finniđ suu joskâđ škoovlâ já sirduđ pargoelimân, mutâ Capra ij halijdâm, tastko škovlim lâi tehálâš uási ameriklâš niävdus.[2] Ko sun valmâštui Manual Arts High Schoolist, sun joođhij California Institute of Technologyn luuhâđ kemiatekniik, já valmâštui tobbeen ive 1918. Sun máttááttij vuosmuu maailmsuáđi majemuu ive matematiik Ovtâstum staatâi suátivievâst.[3]

Karrieer

Frank Capra čuoppâmin suátivievâ elleekove nube maailmsuáđi ääigi.

Veikkâ Caprast ij lamaš ollágin hárjánem elleekovesuárgán, sun finnij sanfransiscolâš teatter čaittâleijee pálkkááttiđ suu stivriđ uánihisfiilmâ ive 1922. Tast maŋa Capra vaaldij pargo San Fransisco elleekovestudiost já máttááškuođij elleekoverähtim porgâmáin vistig čyeppen, kamera-assistentin, čällen já išestivrejeijen. Capra tuuđâi komediačällee paargon já forgâ sun šoodâi-uv komedian spesiaališuvvee stivrejeijen. Ko sun lâi porgâm Mack Sennettáin, te Capra sirdui Columbia Picturesân, kost sust tuođâi šoodâi elleekoverähtee, kii maatij rähtiđ taggaar draama já komedia, moid táváliih keččeeh puovtij tuođâi lijkkuđ. Sust šoodâi täsni uccâ studio stivrejeijei kooskâst. Keččei mielâst suu elleekoveh lijjii teháliih, já toh lijjii šievmielâ fiilmah, maid tuođâi tarbâšij Stuorrâ lama viärráámui peeivij ääigi. Capra šoodâi-uv ohtân 1930-lovo pivnohumosijn elleekoverähtein.[4]

Capra finnij kyehti pyeremuu elleekove Oscar já kulmâ pyeremuu stivrejeijee Oscar elleekuuvijn It Happened One Night (1934), Mr. Deeds Goes to Town (1936) já You Can't Take It With You (1938).[5] Sun lii stivrim meid It's a Wonderful Life, mii almostui ive 1946, mutâ mast šoodâi klassikko eskin ive 1973, ko tahheevuoigâdvuođah Ovtâstum staatâin nuhhii já kanavah čäitiškuottii tom jyehi juovlâi ääigi.[6][7]

Fiktiivlij elleekuuvij lasseen sun lii stivrim nube maailmsuáđi ääigi dokumentijd, maid Ovtâstum staatâi haldâttâs tiilái sust já moi ulmen lâi lasettiđ ameriklij torjuu suátitoimáid. Sun raahtij ovdâmerkkân ohtsis čiččâm uássid Why We Fight dokumentrááiđu. Tain dokumentijn tuše kyehti, pyeremuu dokument Oscar vyeittee Prelude to War (1942) sehe Battle of Russia (1943; stivrim oovtâst Anatole Litvakáin), puovtij keččâđ elleekoveteatterijn suáđi ääigi.[8]

Filmografia

It Happened One Night, Mr. Smith Goes to Washington, Meet John Doe já It's a Wonderful Life postereh.
Frank Capra 1930-lovvoost

Elleekoveh

  • The Strong Man (1926)
  • For the Love of Mike (1927)
  • Long Pants (1927)
  • The Power of the Press (1928)
  • Say It with Sables (1928)
  • So This Is Love (1928)
  • Submarine (1928)
  • The Power of the Press (1928)
  • That Certain Thing (1928)
  • The Matinee Idol (1928)
  • Flight (1929)
  • The Donovan Affair (1929)
  • The Younger Generation (1929)
  • Rain or Shine (1930)
  • Ladies of Leisure (1930)
  • Dirigible (1931)
  • The Miracle Woman (1931)
  • Platinum Blonde (1931)
  • Forbidden (1932)
  • American Madness (1932)
  • The Bitter Tea of General Yen (1932)
  • Lady for a Day (1933)
  • It Happened One Night (1934)
  • Broadway Bill (1934)
  • Opera Hat (1935)
  • Mr. Deeds Goes to Town (1936)
  • Lost Horizon (1937)
  • You Can't Take It with You (1938)
  • Mr. Smith Goes to Washington (1939)
  • Meet John Doe (1941)
  • Arsenic and Old Lace (1944)
  • It's a Wonderful Life (1946)
  • State of the Union (1948)
  • Riding High (1950)
  • Here Comes the Groom (1951)
  • A Hole in the Head (1959)
  • Pocketful of Miracles (1961)

Dokumentelleekoveh

  • Prelude to War (1942)
  • The Battle of Russia (1943)
  • The Nazis Strike (1943)
  • The Battle of Britain (1943)
  • Divide and Conquer (1943)
  • Tunisian Victory (1944)
  • The Battle of China (1944)
  • War Comes to America (1945)
  • Know Your Enemy - Japan (1945)
  • Here Is Germany (1945)

Palhâšumeh já iävtukkâsvuođah

Oscar-palhâšumeh já -iävtukkâsvuođah

Ive Elleekove Palhâšume Vyeittee
1933 Lady for a Day Pyeremus elleekove Winfield Sheehan – Cavalcade
Pyeremus stivrim Frank Lloyd – Cavalcade
1934 It Happened One Night Pyeremus elleekove checkY Harry Cohnáin
Pyeremus stivrim checkY
1936 Mr. Deeds Goes to Town Pyeremus elleekove Hunt Stromberg – The Great Ziegfeld
Pyeremus stivrim checkY
1937 Lost Horizon Pyeremus elleekove Henry Blanke – The Life of Emile Zola
1938 You Can't Take It with You Pyeremus elleekove checkY
Pyeremus stivrim checkY
1939 Mr. Smith Goes to Washington Pyeremus elleekove David O. Selznick – Gone with the Wind
Pyeremus stivrim Victor Fleming – Gone with the Wind
1943 Prelude to War Pyeremus dokumentelleekove checkY
1944 The Battle of Russia Pyeremus dokumentelleekove Desert Victory
1946 It's a Wonderful Life Pyeremus elleekove Samuel Goldwyn – The Best Years of Our Lives
Pyeremus stivrim William Wyler – The Best Years of Our Lives
American Film Institute
  • Life Achievement Award (1982)
Directors Guild of America
  • Pyeremuu stivrim iävtukkâsvuotâ elleekooveest A Hole in the Head (1959)
  • Life Achievement Award (1959)
  • Pyeremuu stivrim iävtukkâsvuotâ elleekooveest Pocketful of Miracles (1961)
Golden Globe -palhâšume
Venecia filmâfestivaal
  • Pyeremuu olgoeennâmlâš elleekove Coppa Mussolini iävtukkâsvuotâ elleekooveest It Happened One Night (1934)
  • Pyeremuu olgoeennâmlâš elleekove Coppa Mussolini iävtukkâsvuotâ elleekooveest Mr. Deeds Goes to Town (1936)
  • Kolleleijoon (1982)

Fáádást eres soojijn

  • Frank Capra Internet Movie Databasest (eŋgâlâskielân)

Käldeeh

  1. ↑ De Las Carreras, Maria Elena: The Catholic Vision of Frank Capra web.archive.org. 25.12.2011. Catholic Education Resource Center. Čujottum 1.12.2024. (eŋgâlâskielân)
  2. ↑ Frank Capra - Biography IMDb. Čujottum 1.12.2024. (eŋgâlâskielân)
  3. ↑ Frank Capra www.britannica.com. 22.11.2024. Čujottum 1.12.2024. (eŋgâlâskielân)
  4. ↑ Frank Capra www.rottentomatoes.com. Čujottum 1.12.2024. (eŋgâlâskielân)
  5. ↑ The Frank Capra Collection www.wesleyan.edu. Čujottum 1.12.2024. (eŋgâlâskielân)
  6. ↑ Ihmeellinen on elämä yle.fi. 17.12.2014. Čujottum 1.12.2024. (suomâkielân)
  7. ↑ Taas kaivetaan nenäliinat esiin – ”Ihmeellinen on elämä” on joulupäivän klassikko www.paivanlehti.fi. Čujottum 1.12.2024. (suomâkielân)
  8. ↑ Frank Capra – The 1940s www.britannica.com. 22.11.2024. Čujottum 1.12.2024. (eŋgâlâskielân)