Nea Salamis Famagusta FC

Për klubin shumësportësh, shiko Nea Salamis Famagusta. Për ekipin e volejbollit, shiko Nea Salamis Famagusta VC.

Nea Salamis Famagusta FC ose Nea Salamina Famagusta FC (Greqisht: Νέα Σαλαμίνα Αμμοχώστου) është një klub futbolli profesionist me seli në Ammochostos (gjithashtu e njohur nga emri i romanizuar, Famagusta), Qipro. Ka qenë një klub refugjatësh që prej pushtimit turk të Qipros në 1974ën, kur Turqia pushtoi pjesën veriore të ishullit. Klubi është vendosur përkohësisht në Larnaka.

Arritjet më të mëdha të klubit ishin fitoret e Kupës dhe Superkupës së Qipros në vitin 1990. Renditja më e lartë në Divizionin e Parë Qipriot është vendi i 3të. Përgjatë 5 viteve të para (1948-1953), klubi mori pjesë në kampionatet e Federatës së Futbollit të Amatorëve të Qipros. Në vitin 1953 klubi u bë pjesë e Federatës Qipriote të Futbollit, duke marrë pjesë rregullisht në kupa e kampionate. Ka luajtur në më shumë se 50 sezone të Divizionit të Parë Qipriot, duke u renditur të 7ët në numër pjesmarrjesh.

Klubi mori pjesë për herë të parë në kompeticionet Europiane në 1990, pikërisht në Kupën e Kupave dhe luajti në sezonet 1995, 1997 dhe 2000 në Kupën Intertoto. Klubi është pjesë e klubit shumësportësh Nea Salamina Famagusta, që u themelua në vitin 1948; ky klub gjithashtu përfshin ekipin e volejbollit të meshkujve.

Stadiumi Ammochostos

 Commons: Nea Salamis Famagusta FC – Album me fotografi dhe/apo video dhe materiale multimediale