Tom and Jerry


Gambar:Tomتومجيرى jerry.jpg
Tom dhe Jerry

Tom and Jerry nyaéta tokoh animasi ciptaan William Hanna jeung Joseph Barbera (Hanna-Barbera) nu diproduksi dina taun 1940-an ku MGM Cartoon Studio di Hollywood nepi ka taun 1957.[1] Produserna nyaéta Frederick C. “Fred” Quimby.[2]
Nalika nyieun Tom and Jerry, Hanna jeung Barbera masih kénéh digawé di hiji majalah minangka kartunis.[2] Taun 1939, William Hanna jeung Joseph Barbera disadiakeun hiji proyék ngeunaan ucing jeung beurit nepi ka ngahasilkeun Puss Gets The Boot nu jadi nominasi dina Academy Award.[2] Minangka produser, Quimby meunangkeun Academy Award pikeun film péndék animasina Tom and Jerry.[2] Ngaran Tom and Jerry jadi kasohor alatan museur dina krédit kartun.[2]
MGM (Metro Goldwyn Meyer) nyaéta rumah produksi munggaran nu nyieun ieu pilem.[2] Taun 1957 divisi MGM tutup, balukarna nasib Tom and Jerry ogé milu teu puguh tungtungna.[2] Vakeum salila 3 taun tapi dina taun 1960 Tom and Jerry diproduksi deui.[1] Sutradara nu saméméhna nyaéta Hanna Barbera diganti ku Gene Deitch, pingpinan Rembrandts Films di Eropa Timur.[1] Sanggeus taun 1963 produksi Tom and Jerry dipigawé deui di Hollywood ku Sib Tower 12 Productions pingpinan Chuck Jones nepi ka taun 1967.[1] Sanggeus sawatara waktu teu dipintonkeun dina tipi, ieu acara kartun dipintonkeun deui dina taun 1975-1977 jeung 1990-1993.[1]
Minangka dua tokoh utama, Tom jeung Jerry miboga kaunikan-kaunikan sorangan.[1] Tom, ucing nu bodo sanajan awakna gedé tur tanagana rosa tuluy-tinuluy narékahan sagala cara sangkan bisa ngerekeb Jerry, tapi mindeng gagal alatan kaparigelan Jerry.[1] Salian ti éta Jerry ogé mindeng ditulungan ku Spike, anjing penjaga.[1]

Kartun nu dilélér Academy Awards katégori Film Animasi Pondok Pangpunjulna:

  • The Yankee Doodle Mouse taun 1943.[3]
  • Mouse Trouble taun 1944.[3]
  • Quiet Please taun 1945.[3]
  • The Cat Concerto taun 1946.[3]
  • The Little Orphan taun 1948.[3]
  • The Two Mouseketeers taun 1951.[3]
  • Johann Mouse taun 1952.[3]

Kartun nominasi penghargaan Academy Awards kategori Film Animasi Pondok Pangpunjulna :

  • Puss Get The Boots taun 1940.[3]
  • The Night Before Christmas taun 1941.[3]
  • Dr. Jekyll and Mr. Mouse taun 1946.[3]
  • Hatch Up Your Troubles taun 1949.[3]
  • Jerry's Cousin taun 1950.[3]
  • Touche, Pussy Cat! taun 1954.[3]

Referensi

  1. ↑ a b c d e f g h Tom & Jerry Archived 2011-08-09 di Wayback Machine (Diakses tanggal 23 Nopember 2011) (id)
  2. ↑ a b c d e f g Tom and Jerry Archived 2010-04-26 di Wayback Machine (Diakses tanggal 23 Nopember 2011) (id)
  3. ↑ a b c d e f g h i j k l m Tom Jerry Archived 2005-08-20 di Wayback Machine (Diakses tanggal 23 Nopember 2011) (id)


Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.