tatayna
tatayna 女性
kakiliman
![](http://upload.wikimedia.org/wikipedia/commons/thumb/1/1d/Woman_Montage_%281%29.jpg/220px-Woman_Montage_%281%29.jpg)
![](http://upload.wikimedia.org/wikipedia/commons/thumb/6/66/Venus_symbol.svg/220px-Venus_symbol.svg.png)
sapuelac
tayna nu mauzipay
tatayna sa, mitudu' tu tayna a tademaw, misawantan tu tama a tademaw. tayna a kamu sa namakay mauzipay a kakuniza, musaungay i tademaw. i mauzipay a kakuniza sa, izaw ku cucu atu puki atu zuma nu taynaay a kidu atu labu'. tatayna nu Sakizaya sa, kya kamu sa, izikuzay a "na" sa, u "ina", iayaway a "tatay" sa, u "tata" saan, u tatenga' kuizaway. u tatenga'ay a kamu sa, u mala ina, u tatenga'ay a ina sa u "tatayna" sanany. anu balaki tu ku tatayna, inayi' ku wawa, caay ku tatenga'ay a tatayna sasukamu nu babalaki.
![](http://upload.wikimedia.org/wikipedia/commons/thumb/3/37/Anterior_view_of_human_female_and_male%2C_with_labels.png/220px-Anterior_view_of_human_female_and_male%2C_with_labels.png)
salungan nu Sakizaya
u salungan a tatayna sa, tabaki ku cucu, tabaki ku kuku', tabaki ku udu, mahiza sa, matineng mulecuh tu wawa, matineng malukay. mahiniay a tatayna sa, salungan. iayaw a niyazu', u ina ku mitelung tu luma',mikuwan tu luma'. u lala', u wawa, u luma', u kalisiw atu zuma, u ni ina mikuwan. anu palaacawa ku tatama atu tatayna, kya tatama atayza tatayna a luma' mueneng. musabilil a wina, siwa a bulad, palecuh tu wawa, sisa, u wawa atu ina yadah ku masasiketay. yu zuma a binawlan(社會), iayaw a demiad, musabilil atu sibulad ku tatayna, sisa, caay kaala ku kakalimaan a kinli, manay, caay katalakaw ku eneng(地位) nu binawlan. ayza a demiad, masumad tu ku azih nu mita, talakaw tu atudi' ku eneng nu tatayna, yuzasa, caayhenay kataneng.
salungan nu zuma a binacadan
![](http://upload.wikimedia.org/wikipedia/commons/thumb/1/15/Hashimoto_Kanna_at_Opening_Ceremony_of_the_30th_TIFF_2017_01.jpg/220px-Hashimoto_Kanna_at_Opening_Ceremony_of_the_30th_TIFF_2017_01.jpg)
![](http://upload.wikimedia.org/wikipedia/commons/thumb/b/b5/Missworld09air.jpg/220px-Missworld09air.jpg)
u salungan a tatayna nu Ya-co sanay, bangcal ku ihekalay, bangcal ku bihid, salengacay ku banges, tabaki ku mata, talakaw ku cihek, adidi ku laway, inayi' ku lumeniay a banges atu tungaw, ahemi' ku banges. caay kalecad ku O-co, u salungan a tatayna nu O-co, u bangcalay a kidu, sakakumced ku kidu, talakaw ku kidu, sikunizaay a zateng, madimel ku kidu atu balucu', kadihi tu mamidang, malemu tu kakaydihan, taneng misimaw atu midiput tu wawa niza.
![](http://upload.wikimedia.org/wikipedia/commons/thumb/6/68/Scheme_female_reproductive_system-en.svg/220px-Scheme_female_reproductive_system-en.svg.png)
zayhan apuyu' ku tatayna tu tatama
sausian ku tabakiay a tademaw, talakaw ku tatama, apuyu' ku tatayna, izay mihiza saw? kya mahiza ku ipabaway namisanga' tu tademaw, caay kalucek ku ipabaway. caay nu ipabaway a mungangaw. kya lalekelan mahiza, hicica ku talakaw nu kidu, nay u ukak miketun. caay kalecad u 發育 nu tatama atu tatayna. tatayna maka i 18-20 a mihca sa, caaytu kabalaki. u tatama sa, katukuh 25 a mihca mahezek tu balaki. matenes ku balaki a mihcaan ku tatama, sisa, talalaw ku tatama, apuyu' ku tatayna.
namakayniyan a nasulitan nasakamuwan atu natinengan
Wikipayke paybalucu'ay pulungamin a cudad-女性
Taywan Sakizaya putiput(台灣撒奇萊雅族協會) i Youtube-dadipasan nakulitan ni Yiyang Sayun-婦女祭典舞歌
nasulitan nay paybalucu'ay a kawaw nu subana'ay a pu 2018-1, nasulitan ni Tuku Sayun