رانا بھگوان داس

رانا بھگوان داس
نگران منصف اعظم عدالت عظمی
مدت منصب 4 فروری 2000 – 19 دسمبر 2008
جسٹس جاوید اقبال منصف اعظم افتخار محمد چودھری
جسٹس عدالت عالیہ سندھ
مدت منصب 1994 – 3 فروری 2000
معلومات شخصیت
پیدائش	20 دسمبر 1942ء
وفات	23 فروری 2015ء (73 سال)  کراچی
شہریت	پاکستان برطانوی ہند
مذہب	ہندو
عملی زندگی
مادر علمی	جامعہ سندھ
پیشہ	منصف ،  وکیل
درستی - ترمیم

رانا بھگوان داس 20 دسمبر 1942ء کو نصیر آباد، ضلع قمبر شہداد کوٹ، سندھ میں ہندو گھرانے میں پیدا ہوئے۔ وہ عدالت عظمی پاکستان کے نگران منصف اعلی رہ چکے ہیں۔

تعلیم

رانا نے قانون کے ساتھ اسلامیات میں ماسٹرز کیا۔

پیشۂ قانون اور عدلیہ

رانا 1965ء میں بار میں شامل ہوئے۔ محض سال کی پریکٹس کے بعد 1967ء میں عدلیہ کا حصہ بنے، کئی سال سیشن جج کے طور پر فرائض انجام دیے۔ سندھ ہائیکورٹ کے جج بنے اور 2000ء میں سپریم کورٹ کے جج تعینات ہوئے۔ 9 مارچ 2007ء کو جسٹس افتخار چوہدری کی معزولی کے بعد جسٹس رانا بھگوان داس کو پرویز مشرف نے قائم مقام چیف جسٹس تعینات کیا۔ اس دوران بھگوان داس پاکستان میں موجود نہیں تھے۔ رانا بھگوان داس بھی ان دادگستروں میں شامل تھے جنھوں نے عبوری آئینی حکم کے تحت حلف اٹھانے سے انکار کیا۔ اٹھانے سے انکار پر دیگر ججوں کی طرح انھیں بھی گھر میں نظر بند کر دیا گیا۔ 2007ء میں برطرفی کے نوٹیفکیشن کو مسترد کرتے ہوئے جسٹس رانا بھگوان داس نے کہا تھا کہ تمام برطرف جج آئین کی بحالی کے ساتھ ہی عہدوں پر واپس آ جائیں گے۔ جسٹس رانا بھگوان داس 65 سال کی عمر میں عہدے سے وظیفہ حسن خدمت پر سبک دوش ہو گئے۔ نومبر 2009ء سے دسمبر 2012ء تک جسٹس رانا بھگوان داس فیڈرل پبلک سروس کمیشن کے چیئرمین بھی رہے۔ نومبر 2014ء میں جسٹس رانا بھگوان داس کو چیف الیکشن کمشنر مقرر کرنے کے لیے تمام سیاسی جماعتوں کی طرف سے اعتماد کا اظہار کیا تھا لیکن رانا بھگوان داس نے عہدہ سنبھالنے سے معذرت پیش کی۔ جسٹس رانا بھگوان داس اعلی عدلیہ میں ہندو برادری سے تعلق رکھنے والے پہلے جج تھے، وہ انتہائی اچھی شہرت کے حامل تھے اور اپنے پوری خدمت کے دوران ہمیشہ غیر متنازع ثابت ہوئے۔^[1]

انتقال

رانا بھگوان داس کا انتقال 23 فروری 2015ء کو ہوا تھا۔

مزید دیکھیے

• منصف اعظم پاکستان
• عدالت عظمی پاکستان

حوالہ جات

بیرونی روابط

رانا بھگوان داس کے بارے میں مزید جاننے کے لیے ویکیپیڈیا کے ساتھی منصوبے:
	مجموعۂ اقتباساتِ متنوع ویکی اقتباسات سے

• Movement for Rule of Law - جسٹس رانا بھگوان داس^{[مردہ ربط]}
• منصف اعظم افتخار محمد چوہدری کا بلاگ آرکائیو شدہ 2012-11-30 بذریعہ archive.today
• جسٹس بھگوان داس' keynote address at the 24th Annual SANA Convention in Dallas, Texas